Johanni 8:17 - O Debleskro Lab 2024 (Sinte-Manouche)

¹⁷ Ninna an o Moseskre lila hi činlo: Te penenn douy pral yekeste vin, yaake hi kova čačo.

O Debleskro Drom 2021 (Sinte)

¹⁷ Ninna an o Moseskre lila hi tchinlo: Te penenn dui pral jekeste win, jaake hi kowa tchatcho.

Johanni 8:17 ပူးပေါင်းရင်းမြစ်များ

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”

4. Mose 35:30

Koon i menshes moulo das, koles hounte denn moulo, te hi menshe koy, kay dikan oun penan kova. Hi gar doha, te penell yek mensho kokres, hoy lo dikas, yaake te vell ko vavar maredo.

Mateo 18:16

Yob te shounell gar ap toute, palle le douy vavar phralen touha, oun dja pash leste, te shounenn le, hoy tou leske peneh. Yaake djinenn douy, triin, hoy yob kras.

Johanni 10:34

Penas o Yezous: “An o Debleskro lab, ap koleste t'men rikrenna, kote hi činlo: Me, o Devel penom: T'mer han debla.

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.

2. Korintarja 13:1

Kova hi o triinto kopo, kay vau pash t'mende. Ma bistrenn, hoy činlo hi: Te kamell yek i doosh ap i vavareste pre te čivell, hounte venn douy, triin koy pashel, kay penenn vin, hoy yon djinenna.

Galatarja 3:24

O Moseskre laba sikran men maro čilačepen. Yaake anan le men pash o Yezous Kristeste, te patsas ap leste, oun te vas čačo glan o Debleste.

Galatarja 4:21

T'mer kamenn yaake te djivell har o Moseskre laba penenna. Djinenn t'mer gar, hoy kol laba penenna?

5. Mose 17:6

Ap o rakepen douy, triin menshendar, kay kova dikan, venn le moulo dino. Ap o rakepen yekestar kokres, nay vell kek mensho moulo dino.

5. Mose 19:15

Te vell i čilačo koova glan i čačepangre anlo, hi gar doha, te dikas kokres yek morsh kova. Na-a douy te triin hounte penenn, te dikan le koles koy pashel, har lo kava koova kras. Palle nay denn le les i phagi.

Hebrearja 10:28

An o phouro tsiro his yaake: Ko mensho hounte meras, kay djivas gar yaake, har an o Moseskre lila činlo hi. Te dikan douy, triin menshe ko čilačo koova, hoy ko mensho kras, hounte meras yob. Oun kekes hounte khaytas yob.

1. Johanni 5:9

Te shounah mer ap i menshende oun patsah, hoy yon penenna, hoske patsah gar, hoy o Devel penella? Kova, hoy o Devel penella, hi bareder har kova, hoy i menshe penenna. Oun o Devel penas, kay o Yezous Kristo peskro čavo hi.

Debleskro tsiro 11:3

Oun me bičrau douy rakepangren an ko foro. Kolla penenn i menshenge o čačepen pral mande. Lengre ripya hi kerdo dran gone. Deesh-te-douy-sheel-te-shob-desha (1.260) divessa penenn yon lenge mire laba.”