Johanni 7:39 - O Debleskro Lab 2024 (Sinte-Manouche)

³⁹ Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

O Debleskro Drom 2021 (Sinte)

³⁹ Job penas kowa pral o Debleskro Ducho, hoi kolla lenna, kai ap leste patsenna. O Debleskro Ducho his gomme gar koi. Ap ko tsiro his o Jesus gomme gar pash o Debleste an o bolepen, te bitchras lo les ap lende.

Johanni 7:39 ပူးပေါင်းရင်းမြစ်များ

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

Gosewe laba 1:23

Te shounans ap mande, har dom t'men trad, sikroms t'mende, hoy an miro dji hi, oun moukoms t'men mire laba te hayvell.

Jesaja 12:3

Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.

Jesaja 32:15

Yaake ačell kova bis an ko tsiro, kay čorell o Devel peskro dourho pral mende vin. Palle vell o moulo them i lačo them, kay yaake boud djob tardo hi, te dikell vin har i veesh.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Mateo 16:14

Oun leskre mala penan ap leste: “Yon penenna, tou hal o Yohanni, kova, kay taufras i menshen. Vavar penenna, kay tou hal o Eliya. Oun vavar penenna, kay tou hal o Yeremia. Oun pale vavar penenna, kay tou hal i Debleskro rakepaskro, kay i moulendar pre stas.”

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Louka 24:49

Oun me bičrau t'menge koles, kolestar miro dad penas, te vell yob pash t'mende. Ačenn an o foro Yerusalem yaake rah, bis te lan i zoor dran o bolepen!”

Louka 3:16

Koy penas o Yohanni ap lauterende: “Me čivau t'men an o pani. Yek vella, kova hi zorleder har me. Me hom gar moldo, te krap leskre kirrha pre. Yob čivell o Debleskro Dourho ap t'mende, oun krell t'men djoudjo, har i yag o saster djoudjo krella.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

Johanni 1:25

Yon poučan lestar: “Te hal tou gar o Kristo, vitar gar o Eliya, oun vitar gar ko Debleskro rakepaskro, kolestar penlo vas, te vell yob, hoske taufreh tou i menshen?”

Johanni 1:33

Oun me prindjrom les gar. Kova, kay bičras man, te taufrap i menshen an o pani, kova penas ap mande: Tou dikeh, har vell o Debleskro Dourho ap i morsheste oun ačell ap leste. Kova hi ko morsh, kay dell i menshen o Debleskro Dourho.

Johanni 12:16

Ap ko tsiro djinan o Yezouseskre mala gar, kay kova lestar glan i rah tsiro penlo vas. Har o Yezous an o Debleskro raylepen djas, hayvan le, kay i menshe kran leha yaake, har pral leste činlo his.

Johanni 12:23

O Yezous penas ap lende: “Ko tsiro hi kanna kay, kay o Devel sikrell o Menshengro Čaveskro raylepen.

Johanni 14:13

Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 16:14

Yob sharell man. Halauter, hoy yob penell t'menge, vell mandar.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 17:1

Pal kol laba dikas o Yezous pre an o bolepen oun penas: “Tata, o tsiro hi kay. Sike, havo raylepen oun havi zoor tou tiro čaveste dal, te sikrell yob ninna tiro raylepen oun tiri zoor!

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Johanni 20:22

Oun har yob kova penas, phourdas yob ap lende, oun penas: “Lenn o Debleskro Dourho!

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 7:12

Ninna kol boud menshe, kay van koy, rakran pral leste. His menshe mashkral lende, kay penan: “Yob hi i lačo morsh.” Vavar penan: “Na-a, yob rhorhella i menshen.”

Johanni 8:54

Penas o Yezous: “Te sharoms me man, vals kova či moldo. Miro dad hi kova, kay sharell man. Kolestar penenn t'mer: Yob hi maro Devel.

Bičepangre 19:2

Ap kolende penas yob: “Vas o Debleskro Dourho ap t'mende, har van patslo?” Koy penan yon ap leste: “Mer shounam gar, kay hi o Debleskro Dourho kay.”

Bičepangre 2:17

Ko tsiro vella, penell o Devel, kay me čivau miro Debleskro Dourho ap i tsele menshende. Oun t'mare čave oun ča dikenn nay glan-vi, hoy vella. Oun i terne morsha dikenn kova, hoy o Devel len sikrell, oun i phoure morsha denn souni.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 3:13

Na-a! O Devel o Abrahamestar, oun o Isaakestar oun o Yakobestar, ko Devel mare dadendar sikras t'mende kate, havi bari zoor oun raylepen yob peskro boudepaskres, o Yezouses, das. Koles dan t'mer an o Pilateskre vasta, oun dan les bourhoste, har o Pilato kamas les te djal moukell.

Bičepangre 4:31

Ap yek kopo, har yon o Debles an-mangan, trissas i phoub kote, kay yon his. Oun o Debleskro Dourho vas ap lauterende. Oun yon penan o Debleskro lab, oun kek traash his an lende.

Remarja 8:9

T'mer djivenn bouder gar t'maro phouro djipen. Na-a. Te hi o Debleskro Dourho an t'mende, djivenn t'mer ko nevo djipen, hoy yob t'mende das. Kones hi gar o Yezous Kristeskro Dourho an leste, kova hi gar i Debleskro čavo.

2. Korintarja 3:8

Kitse shoukeder hi o nevo drom, kay lenn le o Debleskro Dourho!

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.