Johanni 7:38 - O Debleskro Lab 2024 (Sinte-Manouche)

³⁸ Koon ap mande patsella, har o Debleskro lab penella, dran koleste vell ko pani, kay dell o djipen.”

O Debleskro Drom 2021 (Sinte)

³⁸ Koon ap mande patsella, har o Debleskro lab penella, dran koleste well ko pani, kai dell o djipen.”

Johanni 7:38 ပူးပေါင်းရင်းမြစ်များ

Gosewe laba 10:11

Har i brounna dran kolate djido pani nashell, yaake hi i laba kolestar, kay an o čačepen tardo hi. Pal i laba i čilačendar hi lengro djoungelo koova khatedo.

Gosewe laba 18:4

I laba i gosevo menshestar hi har telstoune panya, hoy nashenna an i phoub oun denn djipen.

Jesaja 12:3

Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.

Jesaja 35:6

Oun har i vesheskri bouzni stell kova, kay nay nashas gar. Oun kova, kay nay rakras gar, rakrell nay oun dell gole i barhtyatar. An o moulo tato them vell pani vin dran i phoub. Oun an o divyo trouk them nashenn lengste panya.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Jesaja 55:1

Avenn pash o pani, t'mer kolen troush hi! Oun t'mer, kay t'men kek love hi, avenn oun ginenn oun rhan! Avenn oun ginenn kek loventsa oun lenn čičeske mool oun thoud!

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

5. Mose 18:15

I Debleskro rakepaskro, har me yek hom, yek, kay vell t'mendar, koles bičrell t'maro baro Devel pash t'mende. Ap koleste shounenn!