Johanni 7:37 - O Debleskro Lab 2024 (Sinte-Manouche)

³⁷ Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

O Debleskro Drom 2021 (Sinte)

³⁷ Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

Johanni 7:37 ပူးပေါင်းရင်းမြစ်များ

Nehemia 8:18

Hako dives draveras o Esra dran o liil glan, kay o Debleskro drom siklo vell, o tselo tsiro, kay yon kol bare divessa rikran. Oun kol bare divessa djan efta divessa. Oun ap o orhtato dives van le lauter yaake khetne, har činlo his an i čačepaskre laba.

Debleskri gili 143:6

Mire vasta hadau pre pash toute. Har i trouk them troushella pal pani, yaake troushell miro dji pal toute.

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

Debleskri gili 63:1

I gili o Davidestar. Yob kras kay gili an o moulo tato them Youda.

Gosewe laba 1:20

O gosvepen hi har i day, kay kharell ap i dromma, oun dell gole ap i foryengre platse.

Gosewe laba 8:1

O gosvepen hi har i day, kay dell tout gole, har i pheen, kay moukell pes te shounell.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Gosewe laba 8:3

Pash i foreskre voudya dell li gole, kote kay yek dran o foro vin djal, oun kote, kay yek an o foro dren djal:

Gosewe laba 9:3

Palle bičras li djouvyengre boudepangre ap i pralstouni platsa an o foro, te denn le gole:

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 12:3

Ap ko tsiro, kay lell t'men o Devel vin, venn t'mer yaake barhtelo har troushele menshe barhtelo hi, te hatsenn le pani.

Jesaja 40:2

“Rakrenn i menshenge an Yerusalem an o dji, oun penenn lenge: Ko tsiro hi trouyel, kay hounte boudran tel douka oun dava. T'mari tseli doosh hi playsedo. O baro Devel das t'men i phagi, hoy his yaake baro, har te lans douy kope i phagi t'maro tselo čilačepaske.”

Jesaja 40:6

Oun shounom, har yek penas: “Rake tire menshentsa!” Oun me poučom: “Hoy dap gole?” “I tsele menshe hi har khass, oun har divye bloume djivenn le kek rah tsiro.

Jesaja 44:3

Me čorau pani ap o them, koles troush hi, oun lengste panya nashenn an o trouk them. Miro dourho čorau ap kolende, kay toutar venna, oun miro lačepen ap tire čavende.

Jesaja 55:1

Avenn pash o pani, t'mer kolen troush hi! Oun t'mer, kay t'men kek love hi, avenn oun ginenn oun rhan! Avenn oun ginenn kek loventsa oun lenn čičeske mool oun thoud!

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 58:1

De bari gole! Rike tout gar pale! Hade tiri gole, te vell li yaake zorelo har i phourdepaskri! Oun pen mire menshenge, havo čilačo koova yon kran! Ava, pen o khereske Yakob, havi doosh yob ap peste las!

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Ezekiel 47:9

Kote kay ko lengsto pani nashell oun vell, kote hi djipen. Oun kava pani krell, te vell o Londo Baro Pani sasto, oun boud boud mače djivenn koy dren. Kay kava pani nashell, vell halauter sasto oun djivell.

3. Mose 23:36

Efta divessa anenn firhen o baro Debleske, te venn le leske maredo oun rhačedo. Ap o orhtato dives avenn pale khetne glan o baro Debleste, oun marenn oun rhačrenn firhen leske. An kal bare divessa venn t'mer khetne o baro Debleske, oun hounte krenn kek boudi.

3. Mose 23:39

Ap o 15. (deesh-te-pančto) dives an o eftato čon, an ko tsiro, har anan halauter dren, hoy ap t'mari phoub bares vas, krenn efta divessa i festo o baro Debleske. O ersto dives oun o orhtato dives hi i dives, kay krenn kek boudi.

Micha 6:9

Shounenn, hoy dell o baro Devel gole pral o foro Yerusalem! – Koon gosevo hi, kova lell leskre laba ap o dji! Shounenn, t'mer menshe, kay venn khetne an o foro!

Zakarie 9:15

O baro Devel, ko ray pral o bolepen oun i phoub, rikrell peskre vasta pral peskre menshende. Yon venn i zorleder oun stakrenn i barra tele, hoy ap lende vitsedo van. Yon piyenn oun denn gole har te vans le mato i molyatar. Yon venn yaake pherdo rat, har i čaro pherdo firhengro rat hi, hoy vell vin čoredo o Debleske ap leskri rhačepaskri, oun hoy nashell pral i rigya tele.

4. Mose 29:35

Ap o orhtato dives hounte venn khetne oun krenn i festo. Kek boudi hounte krenn ap ko dives.

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Mateo 3:3

O Yohanni hi ko morsh, kolestar o Debleskro rakepaskro, o Yesaya, penas: Kote hi yek, kay an o moulo them gole della oun penella: Krenn o drom o Debleske, te nay vell lo pash i menshende! Lenn halauter krik, hoy o Debleske an o drom čiddo hi.

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Johanni 1:23

Yob penas: “Me hom kova, kay dell gole an o moulo them: Lenn halauter krik, hoy o Debleske an o drom čiddo hi. Yaake penas kova o Debleskro rakepaskro, o Yesaya, glan i rah tsiro.”

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:11

“Romeha,” penas koy djouvel, “tout hi či, kay leh ko pani nay vin. Oun ko pani hi tel an i phoub. Kay kameh tou ko pani, hoy dell o djipen, te lell?

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 5:40

Pash mande kamenn t'mer gar te vell, te lenn ko djipen, hoy gar pre-herella.

Johanni 6:35

O Yezous penas lenge: “Me hom ko maro, kay della ko djipen. Koon pash mande vella, koles vell bouder kek bok. Oun koon ap mande patsella, koles vell bouder kek troush.

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Johanni 6:55

Miro mass hi o čačo rhapen, oun miro rat o čačo pipen.

Johanni 7:28

O Yezous, kay an o Debleskro baro kheer i menshenge o Debleskro lab penas, shounas kova, oun das gole: “Har nay prindjrenn t'mer man, oun djinenna, kay vom? Me vom gar mandar kokres! Čačepah, koles, kay bičras man, prindjrenn t'mer gar!

1. Korintarja 10:21

T'mer nay piyenn gar dran o Yezouseskro khoro oun dran o bengeskro khoro. T'mer nay rhan gar o Yezouseskro rhapen oun o bengeskro rhapen.

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.

1. Korintarja 11:25

Oun pal o rhapen las yob ko khoro oun penas: “Kay mool an kava khoro hi miro rat, hoy t'menge ratau. Yaake krau i nevo drom, kay o Devel oun i menshe mala venna. Hako kopo, kay piyenn t'mer dran ko khoro, ma bistrenn, hoy me t'menge krom!”

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.