Johanni 6:68 - O Debleskro Lab 2024 (Sinte-Manouche)

⁶⁸ “Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

O Debleskro Drom 2021 (Sinte)

⁶⁸ “Rai, pash koneste djas mer?” penas o Simon Petro. “Tut hi laba, kai denn men o djipen, hoi gar pre-herella.

Johanni 6:68 ပူးပေါင်းရင်းမြစ်များ

Debleskri gili 73:25

Te hi man tout, poučau či pal o bolepen, oun vitar gar pal i phoub.

Mateo 16:16

Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Markus 8:29

Koy poučas lo lendar: “Oun t'mer, hoy penenn t'mer, koon me hom?” Koy penas o Petro ap leste: “Tou hal o Kristo, kolestar o Devel penas, te vell yob.”

Louka 9:20

Poučas lo lendar: “T'mer, hoy penenn t'mer, koon me hom?” Penas o Petro: “Tou hal o Kristo, ko baro ray, kay menge o Deblestar bičedo vas.”

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 12:50

Me djinau, leskro lab dell t'men o djipen, hoy gar pre-herella. Doleske rakrau me kova yaake, har miro dad les mange penas.”

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

Johanni 6:63

O Debleskro Dourho hi kova, kay dell o djipen. O mensheskri zoor nay krell kova gar. Mire laba, hoy me t'menge penom, van dran o Debleskro Dourho. Doleske anenn le t'menge ko djipen.

Bičepangre 13:26

Mire phrala, t'mer, kay han o Abrahameskre menshe, oun t'mer vavar, kay mangenn o Debles an, t'menge penau: O Devel bičras t'menge peskro lačo lab, hoy dell t'men o djipen, hoy gar pre-herella.

Bičepangre 4:12

Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”

Bičepangre 5:20

“Djan an o Debleskro baro kheer, oun penenn i menshenge halauter pral o djipen, hoy gar pre-herella.”

Bičepangre 7:38

Oun har kol Israelitarya an ko moulo them pash koy berga Sinay glan o Debleste khetne van, his o Mose ap i berga Sinay tardo mashkral o bolepaskro oun mare phourende. Oun o bolepaskro das les kol Debleskre laba, hoy denn o djipen, te anell o Mose len pash mende.

Bičepangre 8:37

“Te patseh tou o tselo djiyestar ap o Yezous Kristeste, nay krau me kova,” penas o Filipo. Penas ko pralstuno: “Me patsau, kay hi o Yezous Kristo o Debleskro čavo.”