Johanni 6:40 - O Debleskro Lab 2024 (Sinte-Manouche)

⁴⁰ Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

O Debleskro Drom 2021 (Sinte)

⁴⁰ Kowa kamell miro dad: Hakeno, koon o tchawes dikella, un ap leste patsella, lell o djipen, hoi gar pre-herella. Un me krau les i mulendar djido ap o palstuno diwes.”

Johanni 6:40 ပူးပေါင်းရင်းမြစ်များ

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

4. Mose 21:9

Koy kras o Mose i sap dran saster oun čivas les pre ap i kasht. Kanna te vas yek i sapestar dandedo, dikas kova ap ko sasterno sap oun ačas djido.

Mateo 10:15

Čačepah, me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kolla, kay djivan an i forya Sodom oun Gomorra.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Markus 16:16

“Koon patsell ap mande oun vell taufedo, kova djal gar nashedo. Koon gar ap mande patsella, kova djal nashedo!

Louka 2:30

Me dikom koles, kay tou bičral, te lell lo i menshen dran o čilačepen vin.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 10:28

Oun me dau len ko djipen, hoy gar pre-herella. Oun yon djan gar nashedo. Oun kek nay tserdell len dran miro vast vin.

Johanni 11:24

“Me djinau,” penas li, “kay yob i moulendar pre stella ap ko palstouno dives, kay hake moule pre stenna.”

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

Johanni 12:45

Oun koon man dikella, kova dikell koles, kay bičras man.

Johanni 12:50

Me djinau, leskro lab dell t'men o djipen, hoy gar pre-herella. Doleske rakrau me kova yaake, har miro dad les mange penas.”

Johanni 14:17

Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

Johanni 14:19

An i tikno tsiro dikenn man i menshe ap kay phoub bouder gar. T'mer dikenn man. Me djivau. Doleske djivenn t'mer ninna.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 6:39

Oun o Devel kamella, te nashrap me kekes kolendar, kay yob man das. Yob kamella, te krap len i moulendar djido ap o palstouno dives.

Johanni 6:44

Kek nay vell pestar pash mande. O dad, kay bičras man, hounte anell les pash mande. Oun koon pash mande vella, koles krau me i moulendar djido ap o palstouno dives.

Johanni 6:54

Koon rhala miro mass, oun piyell miro rat, lell o djipen, hoy gar pre-herella. Oun me krau les i moulendar djido ap o palstouno dives.

Johanni 8:56

O Abraham, t'maro dad, his barhtelo, har yob dikas, kay me vau. Yob dikas kava dives, oun his barhtelo.”

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

Hebrearja 11:27

Dran peskro patsepen djas o Mose vin dran o them Egiptia, oun daras gar o baro rayestar pral o them Egiptia, te vell yob rhoyedo ap leste. Na-a. Yob rikras yaake ap o Debleste, koles kek nay dikella, har te dikals les lo peskre yakentsa.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.

1. Johanni 2:25

Oun t'mer lenn ko djipen, hoy gar pre-herella. Kova penas o Yezous Kristo menge.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.