Johanni 6:26 - O Debleskro Lab 2024 (Sinte-Manouche)

²⁶ Penas o Yezous: “Čačepah, me penau t'menge: T'mer rodan man gar doleske, kay dikan i baro koova, hoy krom an o Debleskri zoor. T'mer rhan ko maro, oun van čalo. Doleske rodenn t'mer man.

O Debleskro Drom 2021 (Sinte)

²⁶ Penas o Jesus: “Tchatchepah, me penau tumenge: Tumer rodan man gar doleske, kai dikan i baro koowa, hoi krom an o Debleskri soor. Tumer chan ko maro, un wan tchalo. Doleske rodenn tumer man.

Johanni 6:26 ပူးပေါင်းရင်းမြစ်များ

Debleskri gili 78:37

Pengre djiyentsa his le gar pash leste, oun ap leskre laba, hoy le leha vin kran, rikran le gar pengro tselo djiyeha.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Johanni 6:14

Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

Johanni 6:15

O Yezous hayvas, kay kaman yon les te taprell, te krenn le les lengro baro ray. Doleske djas yob doureder pral ap koy berga, te vell lo peske kokres.

Johanni 6:2

Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.

Johanni 6:24

Har kol menshe hayvan, kay o Yezous bouder gar koy hi, vitar gar leskre mala, beshan pen yon an kol bere, ouleran vergel o baro pani, oun van an o foro Kapernaum, te rodenn les le.

Johanni 6:30

Penan yon: “Kre menge i baro koova an o Debleskri zoor, te patsas mer ap toute! Sike men, hoy tou hayveh!

Johanni 6:36

Hi yaake har me t'menge penom: T'mer dikan man, oun kamenn gar ap mande te patsell.

Johanni 6:47

Čačepah, me penau t'menge: Koon ap mande patsella, koles hi o djipen, hoy gar pre-herella.

Johanni 6:53

Koy penas o Yezous ap lende: “Čačepah, me penau t'menge: Te rhan t'mer gar o Menshengro Čaveskro mass, oun piyenn gar leskro rat, hi t'men gar o djipen, hoy gar pre-herella.

Johanni 6:64

Mashkral t'mende hi menshe, kay patsenn gar.” O Yezous djinas, koon kolla his, kay patsenn gar. Ninna djinas lo, koon ap leste phoukrella.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

Filiparja 2:21

Kol vavar krenn lauter, hoy lenge mishto hi. Yon krenn gar, hoy o Yezous Kristo kamella.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.