Johanni 6:14 - O Debleskro Lab 2024 (Sinte-Manouche)

¹⁴ Har kol menshe dikan, hoy o Yezous kras an o Debleskri zoor, penan le: “Kova hi čačepah ko Debleskro rakepaskro, kolestar penlo vas, kay vell lo ap kay phoub.”

O Debleskro Drom 2021 (Sinte)

¹⁴ Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Johanni 6:14 ပူးပေါင်းရင်းမြစ်များ

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Mateo 11:3

oun moukas lestar te poučell: “Hal tou kova, kay hounte vell? Hounte dikas mer ap i vavareste, te vell lo?”

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Louka 7:16

Koy vas i traash pral lauterende. Oun yon sharan o Debles oun penan: “I baro Debleskro rakepaskro hi mashkral mende. O Devel vas pash peskre menshende.”

Johanni 1:21

“Koon hal tou?” kaman yon te djinell. “Hal tou o Eliya?” poučan le lestar. “Na-a,” penas lo, “kova hom me gar!” “Hal tou o Debleskro rakepaskro, kolestar penlo vas, te vell yob? poučan le lestar.” “Na-a,” penas yob.

Johanni 11:27

“Ava, ray,” penas li, “me patsau, kay tou hal o Kristo, o Debleskro čavo, kay vas ap kay phoub.”

Johanni 2:11

Kova his o ersto kopo, kay kras o Yezous i baro koova an o Debleskri zoor. Kova kras lo an o gab Kana an o them Galilea. Kote sikras yob peskro raylepen oun peskri zoor. Oun leskre mala patsan ap leste.

Johanni 4:19

Penas koy djouvel: “Romeha, me dikau, tou hal i Debleskro rakepaskro.

Johanni 4:25

Penas i djouvel: “Me djinau, kay vell ko baro ray, kolestar o Devel penas, te vell yob, kay kharell ninna o Kristo. Te vell yob pash mende, penell lo menge halauter.”

Johanni 4:42

Yon penan koy djouvyake: “Kanna patsah mer ap leste, oun gar kokres, hoy tou menge lestar penal. Mer shounam les, oun djinah kanna, kay yob kova hi, kay lell i menshen dran o čilačepen oun o merepen vin.”

Johanni 6:2

Boud boud menshe djan leske palla. Yon dikan, havo baro koova yob an o Debleskri zoor kras ap i nasslende.

Johanni 6:26

Penas o Yezous: “Čačepah, me penau t'menge: T'mer rodan man gar doleske, kay dikan i baro koova, hoy krom an o Debleskri zoor. T'mer rhan ko maro, oun van čalo. Doleske rodenn t'mer man.

Johanni 6:30

Penan yon: “Kre menge i baro koova an o Debleskri zoor, te patsas mer ap toute! Sike men, hoy tou hayveh!

Johanni 7:40

Mashkral kolende, kay shounan ko rakepen, his menshe, kay penan: “Kava morsh hi čačepah ko Debleskro rakepaskro, kolestar penlo vas, te vell yob.”

Bičepangre 7:37

Kova his o Mose, kay ap lende penas: O Devel bičrell t'menge i Debleskro rakepaskres har me hom. Kova hi yek t'mare menshendar.