Johanni 5:38 - O Debleskro Lab 2024 (Sinte-Manouche)

³⁸ T'mer patsenn gar an t'mare djia, hoy yob penas. Doleske patsenn t'mer gar, kay me kova hom, kones o Devel bičras.

O Debleskro Drom 2021 (Sinte)

³⁸ Tumer patsenn gar an tumare djia, hoi job penas. Doleske patsenn tumer gar, kai me kowa hom, kones o Dewel bitchras.

Johanni 5:38 ပူးပေါင်းရင်းမြစ်များ

Debleskri gili 119:11

Me rikrau tiro lab an miro dji, te anap kek doosh ap mande.

Jesaja 26:10

Te kreh lačepen i čilačenge, dikenn yon gar, hoy čačepen hi. Ninna an o them, kay djan halauter pengre dromma pal o čačepen, djan i čilače doureder ap pengre bange dromma, oun dikenn gar tiro barepen, baro Devel.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Johanni 1:11

Yob vas an peskro them, oun leskre menshe lan les gar pre.

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Johanni 8:37

Me djinau, kay han o Abrahameskre čave. Ninna te hi yaake, kamenn t'mer man te marell. Kova, hoy me t'menge penau, lenn t'mer gar pre. Doleske kamenn t'mer man te marell.

Kolossarja 3:16

Ma moukenn tele, te rakrenn oun shounenn o lab o Yezous Kristestar! Rakrenn les t'menge an o dji! Avenn gosevo koy pashel, te sikrell yek o vavareste, har te djal lo ap o Debleskro drom! Givenn Debleskre gilya oun save gilya, hoy sharenn o Debles, ninna save gilya, hoy o Debleskro Dourho an t'mende čivella! Ava, givenn o Debleske, oun sharenn les an t'mare djia!

Josua 1:8

Pen touke kol laba glan, hoy an ko liil činlo hi! Ap o dives, har an i rat, mouk len touke an tiro shero trouyel te djal, te rikress oun kress halauter, hoy an ko liil činlo hi. Palle djal touke halauter mishto, oun kova, hoy kreh, vell mishto.

1. Johanni 2:14

Čovale, t'menge činom kava lab, te bistrenn gar, kay hi o Devel t'maro dad. Phoure morshale, t'menge činom kava lab, te bistrenn gar o Yezouses, kay hako tsiro koy hi. Terne morshale, t'menge činom kava lab, te han t'mer zoreles. Oun o Debleskro lab ačell an t'mende. Oun t'mer kran gar, hoy o beng t'mendar kamas.