Johanni 5:35 - O Debleskro Lab 2024 (Sinte-Manouche)

³⁵ O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

O Debleskro Drom 2021 (Sinte)

³⁵ O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.

Johanni 5:35 ပူးပေါင်းရင်းမြစ်များ

2. Samuel 21:17

O Abishay, koleskri day i Serouya his, vas leske ap i rig, oun das kol Filistares moulo. Koy dan o Davideskre lourde les sovel, oun penan: “Tou djas mentsa gar bouder an o kourepen, te djal koy momeli an Israel gar vin!”

2. Mose 34:35

Har vas lo vin, te penell lo ap i Israelitarya, hoy o baro Devel leske penas, dikan yon, har leskro mouy hi har o kham. Palle khatras o Mose peskro mouy pale tel ko diklo, bis te djas lo pale dren, te rakrell lo o baro Debleha.

Ezekiel 33:31

Oun yon venn pash toute yaake, har menshe khetne venn, oun beshenn pen pash toute, oun shounenn, hoy peneh. Kova, hoy penal, krenn le gar. Pengre mouyentsa penenn le, te kamenn le man. Lengro dji djal koleske palla, har le boud love nay krenn.

Daniel 12:3

Oun kolla, kay hayvan o Debleskro drom, hi har i momeli ap o bolepen. Oun kolla, kay sikran i vavarende o čačo drom, hi har i bolepangre momlia hako tsireske.

Mateo 11:11

Čačepah, me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay moukenn man pengro ray te vell, kova hi bareder har o Yohanni.

Mateo 21:26

Te penah mer leske: I menshe bičran o Yohannes, palle hounte trashas i menshendar. Yon patsenna, te hi o Yohanni i Debleskro rakepaskro.”

Markus 1:5

Oun boud menshe djan pash leste. Yon van dran o tselo them Youdea oun dran o foro Yerusalem. Oun yon penan o čilačo koova, hoy yon kran. Oun o Yohanni taufras len an o pani Yordan.

Markus 6:20

O Herodes trashas o Yohannestar. Yob djinas, kay o Yohanni i Debleskro morsh hi, kay djas o čačo drom. Doleske das lo garda ap leste oun rikras les an o stilepen. Yob kamas o Yohanneskro rakepen. Hako kopo, kay yob les shounas, djinas lo bouder gar, hoy te krell lo oun te penell lo.

Louka 7:28

Me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay patsenn ap mande oun moukenn man pengro ray te vell, kova hi bareder har o Yohanni.

Johanni 6:66

Ap ko tsiro tserdan pen boud kolendar pale, kay leske palla djan, oun djan bouder gar leha.

2. Petro 1:19

Doleske djinah mer čačepah, kay kova čačo hi, hoy o Debleskre rakepangre penan. T'mer krenna mishto, te denn garda koy pre. Ko lab hi har i momeli, hoy rhačella an i rat, bis te vell o dives. Palle djal i rayli momeli an t'mare djia pre.