Johanni 5:29 - O Debleskro Lab 2024 (Sinte-Manouche)

²⁹ Oun yon venn dran i moulengre khera vin. Kolla, kay lačo koova kran, venn djides kerdo, te lenn le ko djipen, hoy gar pre-herella. Oun kolla, kay čilačo koova kran, venn djido kerdo, te lenn le i phagi.

O Debleskro Drom 2021 (Sinte)

²⁹ Un jon wenn dran i mulengre khera win. Kolla, kai latcho koowa kran, wenn djides kerdo, te lenn le ko djipen, hoi gar pre-herella. Un kolla, kai tchilatcho koowa kran, wenn djido kerdo, te lenn le i phagi.

Johanni 5:29 ပူးပေါင်းရင်းမြစ်များ

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Louka 14:14

Te kreh tou kova, hal tou barhtelo! Kol menshe nay denn tout či pale. Te krell o Devel kol moulen djido, kay kran, hoy yob kamas, palle dell lo tout kova lauter pale, hoy tou lenge kral.”

Bičepangre 24:15

Me patsau ninna har yon, kay kolla, kay meran, pale djido venna: kol lače oun kol čilače.

1. Timoteo 6:18

Pen kol bravelenge ninna, te krenn le lačo koova! Lengro dji te vell baro i vavarenge, te denn le ninna i vavaren dran pengro bravlepen!

Hebrearja 10:27

Na-a, yob hounte trashell ko dives, kay vell o Debleskri rholi pral i phoub oun i zoreli yag pral kolende, kay kaman lestar či te djinell.

Hebrearja 13:16

Ma bistrenn te krenn o lačepen! Denn i vavaren čomone, te vell len ninna čomone! Kova, hoy t'mer i menshenge krenna, hi har te krans t'mer les o Debleske. Oun yob dikell lačes ap kova.

1. Petro 3:11

Yob moukell o čilačo koova, oun krell o lačo koova. Peskri tseli zoryah krell lo, te djal kek čingepen mashkral i menshende!