Johanni 5:19 - O Debleskro Lab 2024 (Sinte-Manouche)

¹⁹ O Yezous penas ap lende: “Čačepah, me penau t'menge: O čavo nay krell či pestar. Yob dikell, hoy o dad krella. Oun kova, hoy krell o dad, kova krell ninna o čavo.

O Debleskro Drom 2021 (Sinte)

¹⁹ O Jesus penas ap lende: “Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo.

Johanni 5:19 ပူးပေါင်းရင်းမြစ်များ

1. Mose 1:1

Glan i rah rah tsiro kras o Devel o bolepen oun i phoub.

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

Debleskri gili 138:3

Ap ko dives, hoy me ap toute gole dom, shounal tou man, oun dal man pale bari zoor.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 50:6

O bolepen kharell: O Devel hi o čačepaskro ray! Oun lauter hoy yob vi-rakrell, hi čačo.

2. Mose 4:11

Pale penas o baro Devel ap o Moseste: “Koon krell, te nay rakrenn i menshe? Oun koon krell kova, te nay rakrell oun shounell yek gar? Koon krell kova, te nay dikenn le? Oun koon krell, te nay dikell yek gar? Hom kova gar me?

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Mateo 26:39

Oun yob djas i kotar drom doureder, vitsras pes ap i phoub, oun mangas o Debles: “Mo dad, te kameh tou, mouk kek douka oun merepen ap mande te vell! Mangau tout: Ma kre, har me kamau! Kre yaake, har tou kameh!”

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Johanni 10:18

Kek lell miro djipen mandar. Dran mande vell kova, kay dau miro djipen. Kova hi an miro vast, te dap miro djipen. Oun kova hi an miro vast, te lap les pale. Yaake krau, hoy miro dad mange penas.”

Johanni 12:49

Kova, hoy me penom, vell gar mandar. O dad, kay bičras man, penas mange, hoy me penap oun rakrap.

Johanni 12:50

Me djinau, leskro lab dell t'men o djipen, hoy gar pre-herella. Doleske rakrau me kova yaake, har miro dad les mange penas.”

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 2:19

Penas o Yezous ap lende: “Phagenn kava Debleskro kheer tele! Me krau an triin divessa i nevo kheer.”

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 6:38

Me vom gar dran o bolepen te krap kova, hoy me kamau. Me vom te krap, hoy kova kamella, kay bičras man.

Johanni 8:28

Koy penas o Yezous ap lende: “Te hadan t'mer o Menshengro Čaves pral, palle djinenn t'mer, koon me hom, oun kay me či mandar kokres kraua. Hoy o dad mange penas, kova penau me doureder.

Johanni 9:4

Yaake rah har dives hi, kras mer, hoy o Devel menge penas, kova, kay bičras man. I rati vella: Koy nay krell kek i boudi.

Bičepangre 2:24

Ko Yezouses kras o Devel djido. Yob las les i moulendar vin, oun kek zoor nay rikras les pash i moulende pale.

Remarja 6:4

Kote hi maro phouro djipen leha paskedo, te djivas mer kanna i nevo djipen, yaake har o Yezous Kristo i moulendar pre stas, har o Devel, maro dad, peskri bari zoryah les djido kras.

Remarja 8:11

O Devel kras o Yezous Kristes i moulendar djido. Te djivell leskro Dourho an t'mende, palle krell lo t'men ninna djido. O Debleskro Dourho, kay an t'mende hi, krell kova.

1. Korintarja 15:12

Mer penam t'menge, kay o Yezous Kristo i moulendar pre stas. Har nay penenn menshe mank t'mende: “Ko della gar, kay i moule pre stenna.”

2. Korintarja 4:14

Mer djinah, kova, kay kras o Yezouses, maro rayes, i moulendar djido, kova krell men ninna i moulendar djido. Oun yob anell men khetne t'mentsa glan peste.

2. Korintarja 5:10

Ap ko dives, kay rakrell o Yezous Kristo o čačepen pral mende vin, hounte vas mer halauter glan leste tardo. Oun hakeno lell pal kova, hoy yob kras, har djivas lo ap i phoub: lačo koova har čilačo koova.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Filiparja 3:21

Kanna ham menshe, kay hounte merenna. Yob krell dran mende neve menshe, kay venn yaake har yob, oun merah bouder gar. Yaake zorelo hi lo. Les hi koy zoor, te krell lo lauter, hoy yob kamella.

Filiparja 4:13

O Yezous Kristo dell man i zoor, te djivap yaake te yaake.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

Kolossarja 1:16

Dran leste vas lauter kerdo, hoy hi an o bolepen oun ap i phoub, kova, hoy dikah, oun hoy gar dikah. Mank lende hi bare raya oun i zorele pralstoune oun lauter, kay hi len penepaske mashkral o bolepen oun i phoub. Lauter van dran leste, oun van leske kerdo.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.