Johanni 5:17 - O Debleskro Lab 2024 (Sinte-Manouche)

¹⁷ O Yezous penas lenge: “Miro dad boudrell o tselo tsiro. Yaake krau me kova ninna.”

O Debleskro Drom 2021 (Sinte)

¹⁷ O Jesus penas lenge: “Miro dad budrell o tselo tsiro. Jaake krau me kowa ninna.”

Johanni 5:17 ပူးပေါင်းရင်းမြစ်များ

Debleskri gili 65:6

Tou rakreh mentsa dran baro koova, hoy tou kreh an tiri zoor oun an tiro čačepen. Tou, Devel, leh men vin dran o čilačepen. Ap toute dikenn i menshe ap i tseli phoub. Ninna kolla dikenn pal toute, kay djivenn pash i bare panya, hoy yaake dour krik hi.

Jesaja 40:26

Hadenn t'mare yaka pre, oun dikenn: Koon kras kova? Yob anell kol tsele bolepangre momlia ap lengro drom, oun djinell kitse yon hi, oun dell hakeni pash peskro lab gole. Oun kek hi koy, hoy palle gar vell. Yaake baro oun zorelo hi lo.

Mateo 10:29

Douy tikne čirkle hi glan i menshende gar boudeder moldo har yek bema. Oun kek lendar perella ap i phoub, te kamell o Devel kova gar. Yob hi t'maro dad an o bolepen.

Johanni 10:36

Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

Johanni 14:10

Patseh tou gar, kay me an o dadeste hom oun o dad an mande hi? Hoy me t'menge penau, kova vell gar mandar. Na-a! O dad, kay an mande hi, krell kova halauter.

Johanni 5:16

Pal kova lan i bibolde o Yezouses palla. Yon his rhoyedo, te kras yob i nasseles ap o Debleskro dives sasto.

Johanni 5:18

Doleske kaman kol bibolde gomme boudeder, te marenn le les. O Yezous kras gar kokres i nasseles ap o Debleskro dives sasto. Yob penas ninna, kay o Devel leskro dad hi, oun kras pes yaake har o Devel.

Johanni 9:4

Yaake rah har dives hi, kras mer, hoy o Devel menge penas, kova, kay bičras man. I rati vella: Koy nay krell kek i boudi.

Bičepangre 14:17

Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

Bičepangre 17:28

An leste djivah mer, oun halauter, hoy mer krah, krah mer an leste. Oun mer ham an leste. Ninna t'mare goseve morsha penan: Mer vah o Deblestar.

1. Korintarja 12:6

Oun della boud dromma, har o Debleskro Dourho an i patslende boudrella. Hi yek Devel, kolestar kova lauter vella.

Kolossarja 1:16

Dran leste vas lauter kerdo, hoy hi an o bolepen oun ap i phoub, kova, hoy dikah, oun hoy gar dikah. Mank lende hi bare raya oun i zorele pralstoune oun lauter, kay hi len penepaske mashkral o bolepen oun i phoub. Lauter van dran leste, oun van leske kerdo.

1. Tessalonikarja 2:13

Doleske moukah gar tele, te parkras men pash o Debleste, te patsan t'mer o Debleskro lab, hoy t'menge penam. Oun t'mer hayvan, ko lab vell čačepah o Deblestar oun gar i menshendar. Oun t'maro djipen sikrella, te patsenn t'mer ap ko lab.

Hebrearja 1:3

O Debleskro čavo hi raylo oun baro har o Devel. Oun kova, hoy hi o Debles an o dji, hi ninna o čaves an o dji. Dran leskro zorelo lab rikrell lo lauter khetne, hoy yob kras. O Debleskro čavo las mari doosh oun maro čilačepen mendar, oun yob beshas pes ap i čači rig o baro Deblestar an o bolepen.