Johanni 4:9 - O Debleskro Lab 2024 (Sinte-Manouche)

⁹ Koy djouvel penas ap leste: “Tou hal i biboldo. Me hom i Samaritetsa. Har nay mangeh tou mandar pani, te dap tout te piyell? I bibolde rhan gar khetne i Samaritentsa.”

O Debleskro Drom 2021 (Sinte)

⁹ Koi djuwel penas ap leste: “Tu hal i biboldo. Me hom i Samaritetsa. Har nai mangeh tu mandar pani, te dap tut te pijell? I bibolde chan gar khetne i Samaritentsa.”

Johanni 4:9 ပူးပေါင်းရင်းမြစ်များ

Mateo 10:5

Kolla deesh-te-douy morsha bičras o Yezous pash i menshende, oun penas zoreles ap lende: Ma djan pash kolende, kay kek bibolde hi! Ma djan an i forya, kay i Samaritarya djivenna!

Louka 10:33

Palle djas i morsh, kay vas dran o them Samaria ap ko drom, kay ko morsh čiddo hi. Oun har dikas lo les, djas kova leske phares an o dji.

Johanni 4:27

Koy van leskre mala pale dran o foro. Har yon dikan, kay yob i djouvyah rakras, kran le bare yaka. Kek poučas lestar: Hoy kameh tou latar? Oun kek poučas lestar vitar gar: Hoske rakreh tou lah?

Johanni 8:48

“Hi maro gar čačo?” penan kol bibolde. “Tou hal i Samaritari oun an toute hi o beng, yaake har mer les penam.”

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Bičepangre 10:32

Kanna biče morshen an o foro Yoppe, te anenn le o Petres pash toute. Kova hi an o kheer, kay ko Simon djivella, kay boudrell i firhengri mortsi. Leskro kheer hi pash o baro pani čiddo.