Johanni 3:29 - O Debleskro Lab 2024 (Sinte-Manouche)

²⁹ Koles, kay i pirni hi, ko hi ninna o pirno. Oun o maal ko pirnestar, kay pashel tardo hi, oun shounell o pirneskro gole, hi barhtelo pral kova. Kay barht hi man kanna.

O Debleskro Drom 2021 (Sinte)

²⁹ Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Johanni 3:29 ပူးပေါင်းရင်းမြစ်များ

Kamlepaskri gili 3:11

T'mer ča dran o foro Yerusalem, avenn vin! T'mer ča dran Sion dikenn o baro rayes, o Salomes! Dikenn leskri rayeskri stadi, hoy leskri day leske ap o shero čivas, ap ko dives, kay lo romedineras, oun leskro dji i barhtyatar bashras.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Jesaja 66:11

Kanna nay venn t'mer čalo leskro bravlepastar, yaake har piyell pes i ternepen čalo pash peskri date, oun piyell barhteles yaake boud thoud har nay piyell lo.

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Ezekiel 16:8

Oun me djom miro drom, kay tou hals, oun dikom tout. Oun tiro tsiro vas, te kamess i morshes oun kress le biyab. Kote čivom miri baya pral toute oun čakrom tout. Oun me djom touha i sovel dren, oun pandom miro dji ap toute, oun penom: “Tou vess miro.” Kava hi, hoy penas o baro Devel, maro ray.

Hosea 2:19

Oun me krau, te lell li o lab Baal bouder gar an o mouy. Hako tsireske venn i laba kol rhorhene deblendar bistedo.

Mateo 22:2

“Te dell o Devel i menshen gole, te venn le pash leste, hi kova yaake har pash i baro rayeste, kay kras peskro čaveske i bari biyab.

Mateo 25:1

Oun o Yezous penas: Ap ko tsiro, kay vella o Mensheskro Čavo pale, djal kova yaake har kol deesh terne čentsa, kay djan ap i biyab. Yon lan pengre momlia an o vast, oun djan ap o drom, kay o biyabeskro hounte vella.

Mateo 9:15

Penas o Yezous ap lende: “Yaake rah har o biyabeskro ap i biyab hi, hi peskre mala barhtelo. Ko tsiro vella, kay vell o biyabeskro lendar lino. Ap ko tsiro rhan le oun piyenn le či, te mangenn le o Debles an.

Louka 15:6

Oun te vell lo khere, penell lo peskre malenge oun kol vavarenge, kay troul leste djivenna: Avenn barhteles mantsa! Me hatsom ko bakres pale, kay his nashedo.”

Johanni 15:11

Kova penom me t'menge, te vell miri barht an t'mende yaake baro, har djal gar bareder.

Johanni 16:24

Bis kanna mangan t'mer či an miro lab. Mangenn oun yob dell t'men, te vell t'mari barht yaake bari, bareder djal gar!

Johanni 17:13

Kanna vau me pash toute. Kova rakrau lauter yaake rah, har hom me ap kay phoub, te vell koy barht an lengre djia yaake bari, bareder djal gar.

Johanni 3:30

Me hounte vap tikno oun tikneder. Oun yob hounte vell baro oun bareder.

2. Korintarja 11:2

Yaake har o Devel kamell, kamau me ninna o tselo djiyestar, te djan t'mer gar o Yezous Kristestar krik. T'mer han mange har i čay, kay dom yek morsheste, te vell li leskri pirni. Ko yek morsh hi o Yezous Kristo. Kamau te anap leske i djoudji terni djouvel ap ko dives, kay romedinerell lo lat.

Filiparja 2:2

Kova lauter krell man barhtelo. Krenn man gomme barhtleder, te vell t'men yek dji oun yek djipen, oun te kamell hakeno o vavares o djiyestar! Rikrenn khetne oun čingrenn t'men gar!

1. Johanni 1:4

Kova lauter činah t'menge, te venn mare djia oun t'mare djia pherdo barht.

2. Johanni 1:12

Me nay penoms t'menge gomme boud. Kova kamau gar lauter an i liil te činell. Shoukeder vals, te nay voms pash t'mende, oun rakroms t'mentsa, te venn mare djia pherdo barht.

Debleskro tsiro 21:9

Oun pash mande vas yek kol efta bolepangrendar, kay čoran kol efta čare vin, te vas efta kope i bari phagi pral i phoub. Pal kova vas kek vavar phagi pral i phoub. Ko bolepaskro vas pash mande, oun rakras mantsa, oun penas: “Ab kay! Me sikrau toute koy čat, kay rodas peske o terno bakro vin, te romedinerell lo lat.”