Johanni 21:1 - O Debleskro Lab 2024 (Sinte-Manouche)

¹ Pal kova moukas pes o Yezous glan peskre malende pale te dikell, har yon pash o baro pani Tiberias his. Oun kova vas yaake:

O Debleskro Drom 2021 (Sinte)

¹ Pal kowa mukas pes o Jesus glan peskre malende pale te dikell, har jon pash o baro pani Tiberias his. Un kowa was jaake:

Johanni 21:1 ပူးပေါင်းရင်းမြစ်များ

Mateo 26:32

Pal kova krell o Devel man i moulendar djido. Oun te djan t'mer an o them Galilea, djau glan t'mende.”

Mateo 28:16

O Yezouseskre deesh-te-yek mala djan an o them Galilea, ap koy berga, kay o Yezous penas, te venn le kote.

Mateo 28:7

Djan sik pash leskre malende oun penenn lenge: O Devel kras les djido! Shounenn, yob djal glan t'mende an o them Galilea. Oun kote dikenn t'mer les pale. Ma bistrenn, hoy me t'menge penom!”

Markus 16:12

Pal kova moukas yob pes douy vavar peskre malendar te dikell, kay his ap o drom glan o foro. Pash lende dikas lo vavarčandes vin har yon les prindjran.

Markus 16:14

Koy pre, har kol deesh-te-yek pash o rhapen beshdo his, moukas lo pes lendar te dikell oun čingras ap lende, kay hi lengre djia har barra, oun te patsan le gar kolenge, kay les dikan, har yob i moulendar pre stas.

Markus 16:7

Kanna djan pash leskre malende! Penenn lenge oun o Petreske, kay djal yob glan t'mende an o them Galilea! Kote dikenn t'mer les, har yob les t'menge penas.”

Johanni 21:14

Kova his o triinto kopo, kay moukas pes o Yezous glan peskre malende te dikell pal kova, har yob i moulendar djido vas.

Johanni 6:1

Pal i tsiro djas o Yezous ap i vavar rig o baro panyestar Galilea. Ko pani kharella ninna Tiberias.

Johanni 6:23

Koy van vavar bere dran o foro Tiberias, oun čivan pen kote, kay rhans le ko maro, koleske o Yezous parkras pes pash o Debleste.

Bičepangre 1:3

Pal peskro merepen, djivas lo star-deesh (40) divessa kate ap kay phoub, oun moukas pes lendar te dikell boud kope. Oun čačepah yon dikan, kay hi yob djido. Oun yob rakras lentsa pral o tsiro, kay hi o Devel o ray pral i tsele menshende.