Johanni 20:22 - O Debleskro Lab 2024 (Sinte-Manouche)

²² Oun har yob kova penas, phourdas yob ap lende, oun penas: “Lenn o Debleskro Dourho!

O Debleskro Drom 2021 (Sinte)

²² Un har job kowa penas, phurdas job ap lende, un penas: “Lenn o Debleskro Ducho!

Johanni 20:22 ပူးပေါင်းရင်းမြစ်များ

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

Hiob 33:4

O dourho o Deblestar kras man. Ava, o dourho o zorelo Deblestar das man o djipen.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Ezekiel 37:9

Oun o baro Devel penas ap mande: Tou, mensho, rake laba vin, hoy mandar venna! Pen ap o dourho: Kava penell o baro Devel, maro ray: Tou dourho, ab dran hake rigya, oun phourde ap kol marede menshende, te venn le djido!

Johanni 14:16

Oun me mangau o dadestar, te bičrell yob t'menge i rakepaskres, kay vell ap t'mari rig. Yob djal bouder gar krik t'mendar.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 20:21

Pale penas o Yezous ap lende: “O Debleskri barht t'mentsa! Har miro dad man bičras, yaake bičrau me t'men.”

Johanni 20:23

Ap koneste t'mer penenna: Tiri doosh hi krik lino, koleske vell li krik lino. Oun ap koneste t'mer penenna: Tiri doosh ačell ap toute, ap koleste ačell li.”

Johanni 7:39

Yob penas kova pral o Debleskro Dourho, hoy kolla lenna, kay ap leste patsenna. O Debleskro Dourho his gomme gar koy. Ap ko tsiro his o Yezous gomme gar pash o Debleste an o bolepen, te bičras lo les ap lende.

Bičepangre 10:47

“Kolla lan o Debleskro Dourho yaake har mer. Nay rikrah mer len pale, te moukenn le pen te taufrell?”

Bičepangre 19:2

Ap kolende penas yob: “Vas o Debleskro Dourho ap t'mende, har van patslo?” Koy penan yon ap leste: “Mer shounam gar, kay hi o Debleskro Dourho kay.”

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 4:8

Oun o Petro, pherdo Debleskro Dourho, penas ap lende: “T'mer pralstoune oun t'mer phoureder, shounenn!

Bičepangre 8:15

Kolla van an o them Samaria, oun mangan o Deblestar, te dell lo i patslende o Debleskro Dourho.

Galatarja 3:2

Kova kamau me t'mendar te djinell: Har djas kova, kay lan o Debleskro Dourho? Lan t'mer les, har t'mer kran, hoy o Moseskre laba penenna? Na-a, t'mer lan les, har shounan o Yezousestar oun patsan ap leste.