Johanni 19:29 - O Debleskro Lab 2024 (Sinte-Manouche)

²⁹ Koy his i khoro tardo. Kova his pherdo shoutli mool. Oun yon lan čomone har i kotar than, kran les pherdo shoutli mool, čivan kova ap i baro kasht, hoy kharella Hysop, oun rikran leske kova glan o mouy.

O Debleskro Drom 2021 (Sinte)

²⁹ Koi his i khoro tardo. Kowa his pherdo shutli mool. Un jon lan tchomone har i kotar than, kran les pherdo shutli mool, tchiwan kowa ap i baro kasht, hoi kharella Ysop, un rikran leske kowa glan o mui.

Johanni 19:29 ပူးပေါင်းရင်းမြစ်များ

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

2. Mose 12:22

Palle lenn patria kol kashtestar, hoy kharella Hysop, oun rikrenn len an ko čaro, hoy o rat dren hi! Oun makenn lentsa o rat vin pral o voudar oun ap kol douy kashta, hoy čačes oun serves pash o voudar hi! Oun kek t'mendar djal dran o voudar vin koy tseli rati.

4. Mose 19:18

Oun i morsh, kay gar pale-čiddo hi, hounte lell kol patria, hoy kharenna Hysop oun čivell len an ko pani oun vitsrell kova ap o plarhteno kheer oun ap kol pirya, čare oun khore, hoy koy dren hi, ninna ap hakeneste, kay an ko kheer hi. Ninna hounte vitsrell lo ko pani ap koleste, kay tapras i moules an, leskre kokale, ninna koy phoub, kay vas yob paskedo.

Mateo 27:34

– dan le les mool te piyell, kay čomone dren hi, hoy kharella Galle. Har yob kova hayvas, kamas lo gar te piyell.

Mateo 27:48

Oun yek kol lourdendar anas sik čomone har i kotar than, kras les pherdo shoutli mool, čivas les ap i kasht, oun das les o Yezouses te piyell.

Mateo 27:50

O Yezous das pale bari gole, oun meras.

Markus 15:36

Oun yek nashas, las čomone har i kotar than, kras les pherdo shoutli mool, čivas les ap i kasht, oun das les o Yezouseste te piyell, oun penas: “Mouk les, dikas, te vell o Eliya, oun lell les tele!”

Louka 23:36

Oun ninna kol lourde san pral leste, oun dan les shoutli mool te piyell.