Johanni 19:17 - O Debleskro Lab 2024 (Sinte-Manouche)

¹⁷ Oun yob hidjras peskro troushel, oun djas dran ko foro vin ap ko kotar them, hoy kharella mouleskro shero. Kova kharella ap o biboldengro rakepen Golgata.

O Debleskro Drom 2021 (Sinte)

¹⁷ Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata.

Johanni 19:17 ပူးပေါင်းရင်းမြစ်များ

1. Mose 22:6

O Abraham las ko kasht rhačepaske, oun das ko kasht peskro čaveste te hidjrell. Yob kokres las i yag oun i čouri. Yaake djan yon douy khetne doureder.

1. Rajengro liil 21:13

Palle van kol douy či-molde, oun beshan pen vergel leste, oun anan čomone pre ap leste oun penan glan i tsele menshende: “O Nabot praasas o Debles oun o baro rayes.” Palle vas lo dran o foro anlo, oun yon vitsran ap leste barra, yaake meras lo.

3. Mose 24:14

An ko morshes vin glan koy platsa, kay i menshe hi! Hakeno, kay shounas, hoy lo penas, kova čivell peskre vasta ap leskro shero. Palle vitsrenn i tsele menshe les moulo i barrentsa.

Mateo 10:38

Oun koon lell gar peskro troushel ap peste oun djal pal mande, hi gar moldo, te vell lo miro maal.

Mateo 16:24

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Mateo 27:37

Ap o troushel pral leskro shero čivan le i kotar kasht, kay činlo hi, hoske yob hounte meras. Oun koy pre his činlo: Kava hi o Yezous, o baro ray pral i biboldende.

Markus 10:21

Oun o Yezous dikas kamles ap leste oun penas: “Yek hounte kress tou boudeder. Bike lauter, hoy tout hi, oun de kol love i čorvelende! Palle hi tout i bravlepen an o bolepen. Oun dja mantsa!”

Markus 15:26

Oun pral leste ap i kasht his činlo, hoske yob hounte meras. Koy pre his činlo: O baro ray pral i biboldende.

Markus 15:32

Te hi lo ko baro ray, koles o Devel bičras, ko baro ray pral o Israel, palle nay djals yob o troushelestar tele, te dikas mer kova oun te nay patsas ap leste.” Oun kolla douy, kay van langs leste ap pengro troushel dino, praasan les ninna.

Markus 8:34

Palle das o Yezous kol boud menshen pash peste gole, ninna peskre malen, oun penas ap lende: Koon ap miro drom mantsa djala, kova hounte bistrell, hoy leske kokres mishto hi, oun lell peskro troushel ap peste, oun djal mantsa.

Louka 14:27

Koon lell gar peskro troushel ap peste oun djal mantsa, nay vell gar miro maal.

Louka 23:26

Oun har yon o Yezouses krik anan, te vell yob ap o troushel dino, tapran le i morshes ap o drom. Kova boudras vin ap i kotar phoub oun his kanna ap o drom khere. Leskro lab hi Simon, oun yob his dran ko foro Kirene. Ap koleste čivan yon o troushel, te hidjrell lo kova o Yezouseske palla.

Louka 23:33

Har yon lauter ap ko kotar them van, hoy kharella Mouleskro Shero, dan yon o Yezouses ap o troushel, oun kol douy čilače morshen ninna. Ko yekeskro troushel his čačes lestar, ko vavareskro troushel his serves lestar.

Louka 23:38

Oun pral leste ap i kasht his činlo: Kova hi i o baro ray pral i biboldende.

Louka 9:23

Oun o Yezous penas ap lauterende: “Koon ap miro drom mantsa djala, kova hounte bistrell, hoy leske kokres mishto hi, oun lell peskro troushel hako dives ap peste oun djal mantsa.

Johanni 19:13

Har o Pilato kol laba shounas, anas yob o Yezouses vin oun beshas pes ap ko čačepaskro beshepaskro, hoy kharella Barrengri Phoub. Ap o biboldengro rakepen kharella kova Gabbata.

Johanni 5:2

An o foro Yerusalem his i pani pash ko foreskro voudar, kay kharella bakrengro voudar. Ko pani kharella ap hebretikes Betesda. Kote his i thopaskro kheer, kay panč bare iseme dren his, kay pre his.

Bičepangre 7:58

tradan les dran o foro vin, oun vitsran barrentsa ap leste. Oun kolla, kay vitsran i barra, rivan pengre koola vin, oun i terno morsh, kay kharas Saulo, das ap lende yak.