Johanni 19:1 - O Debleskro Lab 2024 (Sinte-Manouche)

¹ Koy las o Pilato o Yezouses, oun moukas les i čoupniyah te dell.

O Debleskro Drom 2021 (Sinte)

¹ Koi las o Pilato o Jesuses, un mukas les i tchupnijah te dell.

Johanni 19:1 ပူးပေါင်းရင်းမြစ်များ

Debleskri gili 129:3

Miro doumo dan le pre, har i harho i phoub pre dell oun lengste činepangre krell.

Jesaja 50:6

Me rikrom kolenge miro doumo, kay dan mange dava, oun rikrom mire čamya kolenge koy, kay tserdan balla dran miri čora. Me khatrom gar miro mouy, har praasan le man oun čoungran ap mande.

Jesaja 53:5

Mari doosh his kova, kolake yob doukedo vas. Oun koleske, hoy mer čilačes kram, vas yob khetne dino. I phagi his ap leste čiddo, te djas menge mishto. Yob vas doukedo, te vas mer sasto.

Mateo 20:19

Yon denn les an i vasta kolendar, kay kek bibolde hi. Oun kolla praasenn les, denn les dava i čoupniyah, oun denn les ap o troushel, te merell lo. Pal triin divessa krell o Devel les pale djido.”

Mateo 23:34

Shounenn, bičrau pash t'mende mire rakepangren, mire goseve morshen, oun mire čačepangren. Kolen denn t'mer ap o troushel, marenn len, oun denn len dava an t'mare kangria. Oun t'mer lenn len palla an hako foro.

Louka 18:33

Yon denn les i čoupniyah, oun marenn les. Oun pal triin divessa krell o Devel les djido.”

Louka 23:16

Me moukau les dava te dell, oun moukau les te djal.”

Louka 23:23

Yon dan zorleder gole, te vell lo ap o troushel dino. Oun har yon gar tele moukan, shounas o Pilato ap lende oun penas:

2. Korintarja 11:24

I biboldendar lom me panč kope triyanda-te-enya (39) dava i čoupniyah.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.