Johanni 18:38 - O Debleskro Lab 2024 (Sinte-Manouche)

³⁸ “Hoy hi o čačepen?” poučas o Pilato lestar. Oun har yob kova penas, djas lo pale vin pash i biboldende oun penas ap lende: “Me hatsau kek doosh ap leste.

O Debleskro Drom 2021 (Sinte)

³⁸ “Hoi hi o tchatchepen?” putchas o Pilato lestar. Un har job kowa penas, djas lo pale win pash i biboldende un penas ap lende: “Me hatsau kek doosh ap leste.

Johanni 18:38 ပူးပေါင်းရင်းမြစ်များ

Mateo 27:24

Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.”

Markus 15:14

Koy poučas o Pilato lendar: “Havo čilačo koova kras yob?” Koy dan le zorleder gole: “De les ap o troushel!”

Louka 23:4

Koy penas o Pilato ap kol bare rashayende oun ap kol vavar menshende, kay kote tardo hi: “Me hatsom kek doosh ap leste.”

Johanni 18:33

O Pilato djas pale an peskro kheer, oun moukas o Yezouses dren te anell, oun poučas lestar: “Hal tou o baro ray pral i biboldende?”

Johanni 19:4

Oun pale djas o Pilato pash i biboldende vin, oun penas ap lende: “Me anau les pash t'mende vin, te dikenn t'mer, kay hatsau kek doosh ap leste.”

Johanni 19:6

Har kol bare rashaya oun kol kliste o Yezouses dikan, dan yon gole: “De les ap o troushel! De les ap o troushel!” “Lenn t'mer les,” penas o Pilato, “oun denn les ap o troushel! Me hatsau kek doosh ap leste.”

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.