Johanni 16:28 - O Debleskro Lab 2024 (Sinte-Manouche)

²⁸ Me vom o dadestar, oun vom ap kay phoub. Oun me moukau pale kay phoub, oun djau pash miro dadeste.”

O Debleskro Drom 2021 (Sinte)

²⁸ Me wom o dadestar, un wom ap kai phub. Un me mukau pale kai phub, un djau pash miro dadeste.”

Johanni 16:28 ပူးပေါင်းရင်းမြစ်များ

Louka 24:51

Oun har yob yaake rakras, djas lo lendar oun vas pral an o bolepen hadedo.

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 13:3

O Yezous djinas, kay o Devel, leskro dad, halauter an leskre vasta čivas, oun kay yob o Deblestar vas, oun kay yob pale pash o Debleste djala.

Johanni 14:28

T'mer shounan, hoy me penom: Me djau mange oun vau pale pash t'mende. Te kamans man o djiyestar, vans t'mer barhtelo, kay me pash o dadeste djau. Miro dad hi bareder har me.

Johanni 16:10

O Debleskro čačepen dikenn le ap kova, kay me djau pash o dadeste, oun t'mer dikenn man bouder gar.

Johanni 16:16

Pal i tikno tsiro dikenn man bouder gar. Oun pale pal i tikno tsiro dikenn man t'mer pale.”

Johanni 16:30

Kanna djinah mer, kay tou halauter djineh. Tou djineh glan-vi, hoy i menshe kamenn toutar te poučell. Doleske patsah mer, kay tou o Deblestar veh.”

Johanni 16:5

Kanna djau me pash koleste, kay bičras man. Oun kek t'mendar poučell mandar: Kay djah tou?

Johanni 17:11

An i tikno tsiro hom bouder gar ap kay phoub. Me vau pash toute. Yon hi ap kay phoub. Miro dad, tou hal o baro Devel, rike len an tire vasta, te ačenn yon pash toute, te venn yon yek, yaake har mer ham!

Johanni 17:13

Kanna vau me pash toute. Kova rakrau lauter yaake rah, har hom me ap kay phoub, te vell koy barht an lengre djia yaake bari, bareder djal gar.

Johanni 17:5

Oun kanna, tata, de man ko raylepen oun koy zoor, hoy his man pash toute, har o bolepen oun i phoub gar koy his!

Johanni 8:14

Penas o Yezous: “Ninna te rakrau mandar kokres, hi kova čačo, hoy penau. Me djinau, konestar me vom, oun kay me djaua. T'mer djinenn gar, konestar me vom, vitar gar, kay me djaua.

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.