Johanni 16:22 - O Debleskro Lab 2024 (Sinte-Manouche)

²² Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik.

O Debleskro Drom 2021 (Sinte)

²² Kanna rowell tumaro dji. Un me penau tumenge kanna: Me wau pale pash tumende. Un tumer wenn bachtelo. Un koi bacht nai lell tumendar kek krik.

Johanni 16:22 ပူးပေါင်းရင်းမြစ်များ

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Debleskri gili 146:2

Yaake rah har me djivau, kamau o baro Debles te sharell. Yaake rah har hom ap kay phoub, kamau leske te bashrell.

Debleskri gili 33:21

An leste hi maro dji barhtelo, oun mer rikrah men ap leste, kay hi kokres o Devel.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Mateo 28:8

Oun yon djan sik krik. Lengro dji his pherdo daar oun barht. Oun yon nashan, te penenn le o Yezouseskre malenge kova lauter.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.

Louka 19:26

Koy penas o ray: Kones boud hi, kova lell boudeder. Oun kova, kay hi les gar boud, kolestar vell kova ninna krik lino.

Louka 24:41

Yon nashte patsan gar, kay hi o Yezous glan lende tardo, yaake barhtelo his le. Har djinan le gar, hoy te penenn le, poučas lo lendar: “Hi t'men čomone te rhal?”

Johanni 14:1

“T'maro dji hounte trashell gar. Patsenn ap o Debleste oun patsenn ap mande!

Johanni 14:19

An i tikno tsiro dikenn man i menshe ap kay phoub bouder gar. T'mer dikenn man. Me djivau. Doleske djivenn t'mer ninna.

Johanni 14:27

Ninna te hom me gar pash t'mende, ačell koy barht, hoy me dom t'men, an t'mare djia. Me dau t'men miri barht. Koy barht nay denn t'men gar i menshe ap kay phoub. Ma trashenn! Ma avenn dareno!

Johanni 16:16

Pal i tikno tsiro dikenn man bouder gar. Oun pale pal i tikno tsiro dikenn man t'mer pale.”

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Johanni 16:6

Kova, hoy t'menge penom, doukell t'men an o dji.

Johanni 21:7

Koy penas ko yek kol deesh-te-douyendar, koles o Yezous o djiyestar kamas, ap o Petreste: “Kova hi maro ray.” Har o Simon Petro kova shounas, rivas lo peskro pralstouno ripen an, hoy rivas lo vin, oun vitsras pes an o pani, te vell lo sikeder ap o them.

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Bičepangre 13:52

Oun kolla, kay van patslo, van pherdo Debleskro Dourho, oun lengro dji his barhtelo.

Bičepangre 16:25

Deesh-te-douyenge an i rat sharan o Paulo oun o Silas o Debles, oun givan leske i gili. Oun kol vavar stilde shounan kova, har yon givan.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

2. Tessalonikarja 2:16

O Devel hi maro dad oun kamell men o djiyestar. Yob hi menge lačo, oun penell menge an o dji, te kras lo lauter menge mishto, oun te lell lo men pash peste hako tsireske. Lestar mangah oun maro rayestar, o Yezous Kristestar,

Hebrearja 10:34

T'mer rovan kolentsa, kay an o stilepen hi. Kolla, kay gar patslo his, lan t'mendar kova krik, hoy t'maro his. Oun i barhtelo djiyeha moukan t'mer len kova te krell. T'mer djinan, kay hi t'men i feteder bravlepen an o bolepen, hoy kek nay lell t'mendar.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

1. Petro 1:8

Koles kamenn t'mer o djiyestar, ninna te dikan les gar. Ap leste patsenn t'mer, ninna te dikenn les kanna nay gar. T'maro patsepen anell t'men pash o Debleste an o bolepen. Kote hi t'mari barht yaake baro, hoy i labentsa nay gar penenna.