Johanni 16:20 - O Debleskro Lab 2024 (Sinte-Manouche)

²⁰ Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

O Debleskro Drom 2021 (Sinte)

²⁰ Tchatchepah, me penau tumenge: Well i tsiro, kai tumer rowenna, un denn i wasta pral o shero khetne. Un i menshe, kai gar ap mande patsenna, hi bachtelo. Ninna te rowell tumaro dji ap ko diwes, djinenn: Tumaro ropen well tumendar krik lino, un tumer wenna bachtelo.

Johanni 16:20 ပူးပေါင်းရင်းမြစ်များ

Hiob 20:5

vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

Debleskri gili 97:11

I momeli djal pre koleske, kay an o čačepen tardo hi. Oun barhtelo vell kova, kay o čačo drom djal.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 66:5

Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

Jeremia 31:25

Kolen, kay khino hi, dau me pale zoor, oun kolen kay bokenna, dau doha te rhal.”

Mateo 21:38

Har i harhe leskro čaves dikan, rakran le mashkral pende: Kova hi leskro čavo, kay lauter lella pal peskro dadeskro merepen. Avenn, maras les, te vell kava kotar them menge, hoy leske hounte vals.

Mateo 5:4

Barhtele hi kolla, kay kanna rovenna. O Devel lell lengri douk dran lengro dji.

Markus 14:72

Oun sik koy pre das o bashno o douyto kopo gole. Oun o Petreske van o Yezouseskre laba an o shero, hoy yob leske penas: “O bashno dell gar o douyto kopo gole yaake rah, har tou gar triin kope penal, te prindjreh man gar.” Kova djas an leskro dji, oun yob rovas.

Markus 16:10

Oun yoy djas pash kolende, kay djan o Yezouseha, oun kolengro dji kanna doukas, oun kay rovan pral leste. Oun yoy penas lenge, te dikas li les.

Louka 22:45

Oun palle stas lo pre oun djas pash peskre malende. Yon van khino oun sovan, yaake bibarhtelo hi le. Har yob dikas, te sovan le,

Louka 22:62

Oun o Petro djas vin, oun rovas zoreles.

Louka 23:27

Oun boud morsha oun djouvya djan o Yezouseske palla ap o drom. Kolla dan bari gole oun rovan.

Louka 24:17

Koy poučas lo lendar: “Pral havo koova rakrenn t'mer?” Koy vas lenge ropaske, oun yon ačan tardo.

Louka 24:21

Mer patsam, kay o Devel bičras les, te lell yob i Israeleskre menshen dran i Remaryengre vasta vin. Kova djas lauter glan triin divessa.

Louka 6:21

Barhtele han t'mer, kay kanna bokenna. T'mer venna čalo. Barhtele han t'mer, kay kanna rovenna. T'mer san pale.

Johanni 16:33

Kova lauter penom t'menge, te vell t'men i bari barht an o dji pral kova, kay han mire. Kate ap kay phoub hi t'men daar. Ma darenn! Me hom zorleder har halauter ap kay phoub.”

Johanni 16:6

Kova, hoy t'menge penom, doukell t'men an o dji.

Johanni 20:20

Har yob kova penas, sikras yob lende peskre vasta, oun peskri rig. Koy van o Yezouseskre mala barhtelo, kay dikan le pengro rayes.

Bičepangre 5:41

Koy djan yon penge i pralstunendar. Oun yon his barhtelo, te hi le o Debleske yaake boud moldo, te rodas lo len vin, te rhan le dava o Yezouseske.

Remarja 5:11

Oun kova hi gar lauter. Mer ham yaake barhtelo, te vas o Devel maro Devel. Maro ray, o Yezous Kristo, anas men leha khetne.

2. Korintarja 6:10

Menge hi ropaske, oun mer nay sanah. Mer ham čorvelo, oun krah i vavaren bravelo. Men hi či ap kay phoub, oun lauter hi menge.

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

1. Tessalonikarja 1:6

Oun kova, hoy dikan t'mer ap mende, kova krenn t'mer kanna ninna, oun djivenn yaake, har o ray Yezous djivas. Har shounan t'mer o Debleskro lab, patsan les oun hans barhtelo pral kova, ninna te kran i menshe t'menge o djipen phares. Koy barht das o Debleskro Dourho an t'mende.

Jakobo 1:2

Mire phrala, te vell pharo koova ap t'mende, palle dikenn koy pre, har te vell kova i barht t'menge.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Debleskro tsiro 11:10

I menshe ap i phoub hi barhtelo, oun givenna oun khelenna. Oun yek bičrell o vavareske shoukar koova. Yaake barhtelo hi le, te hi kol douy Debleskre rakepangre moulo, kay doukran kolen, kay ap i phoub djivenna.

Debleskro tsiro 18:7

Denn lat yaake boud douka oun bibarht har his lat i shoukar oun bravelo djipen ap kay phoub! Ninna kanna penell li an lakro dji: Me hom i bari rayetsa. Oun man hi lauter doha. Oun i bibarht vell gar ap mande.”