Johanni 15:24 - O Debleskro Lab 2024 (Sinte-Manouche)

²⁴ Te kroms me gar glan lengre yaka ko baro koova, hoy nay kek vavar kras, vals len kek doosh. Kanna dikan yon kova. Oun ninna te dikan le les, hi le čilačo ap mande oun ap miro dadeste.

O Debleskro Drom 2021 (Sinte)

²⁴ Te kroms me gar glan lengre jaka ko baro koowa, hoi nai kek wawar kras, wals len kek doosh. Kanna dikan jon kowa. Un ninna te dikan le les, hi le tchilatcho ap mande un ap miro dadeste.

Johanni 15:24 ပူးပေါင်းရင်းမြစ်များ

Debleskri gili 81:15

Sik anoms ladj ap kolende, kay ap lende djan, oun čivoms miro vast phares ap lende.

2. Mose 20:5

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

Gosewe laba 8:36

Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Mateo 21:32

Har o Yohanni pash t'mende vas, te sikrell lo t'mende o čačo drom, patsan t'mer leske gar. I pale-čidde oun i loubya patsan ap leskre laba. Ninna har t'mer dikan, te patsan kolla ap leskre laba, moukan t'mer gar t'maro čilačo drom oun patsan leske vitar gar.”

Mateo 9:33

Oun o Yezous tradas o benges vin. Har ko beng vin his, nay rakras ko morsh pale. Oun kol boud menshe, kay kote tardo his, kran bare yaka oun penan: “Kek tsireske vas savo koova an o them Israel diklo.”

Markus 2:12

Oun yob stas pre, las peskro čiben oun djas vin. Oun lauter dikan les, oun kran bare yaka. Yon sharan o Debles, oun penan: “An maro tselo djipen dikam savo koova gar.”

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Johanni 10:32

O Yezous penas lenge: “Me krom boud lačo koova. Miro dad penas mange, te krap kova. Hoy hi ko lačo koova, koleske kamenn man moulo te dell?”

Johanni 10:37

Te krau me gar, hoy o dad mange penas, hounte patsenn t'mer man gar.

Johanni 12:10

Yaake djan boud bibolde pash o Lazareste, oun patsan ap o Yezouseste. Doleske rodan kol bare rashaya i drom, har nay marenn yon ninna o Lazares.

Johanni 12:45

Oun koon man dikella, kova dikell koles, kay bičras man.

Johanni 14:9

“Yaake rah hom pash t'mende oun tou prindjreh man gar, Filipo?” penas o Yezous. “Koon man dikella, kova dikell o dades. Har nay peneh tou: Sike mende o dades?

Johanni 15:21

T'mer han miro. Doleske hi yon čilačo ap t'mende. Yon prindjrenn koles gar, kay bičras man.

Johanni 15:22

Te voms me gar pash lende, oun penoms lenge gar halauter, lans le kek doosh ap pende. Kanna nay penenn yon gar: Mer djinam gar, kay kova, hoy kram, čilačo hi.

Johanni 15:23

Koon man gar kamella, kova kamell vitar gar miro dades.

Johanni 16:9

Lengri doosh hi, kay patsenn le gar ap mande.

Johanni 3:2

Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 5:36

Man hi čomone, hoy penell t'menge feteder o čačepen pral mande vin har o Yohanni. Kova hi ko koova, hoy krau, kolestar o dad mange penas, te krap kova. Kova sikrella, kay o dad bičras man.

Johanni 6:36

Hi yaake har me t'menge penom: T'mer dikan man, oun kamenn gar ap mande te patsell.

Johanni 7:31

Boud kol menshendar patsan ap leste oun penan: “Te vell o baro ray, kolestar o Devel penas, te vell yob, nay krell kova bareder koova, har kava morsh Yezous?”

Johanni 9:32

Yaake rah, har i phoub tardo hi, shounas kek, kay i mensho yekes sasto kras, kay korelo boldo vas.

Johanni 9:41

Koy penas o Yezous ap lende: “Te hans korelo, vals t'men kek doosh. T'mer penenn: Mer dikah. Doleske ačell i doosh ap t'mende.”

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Remarja 1:30

oun rakrenn rhorhepen pral lende. Yon praasenn o Debles oun i menshen, oun hadenn pen pre oun hi sharedo. Yon rodenn, har te krenn le o čilačepen. Yon shounenn gar ap pengro dadeste oun ap pengri date.

5. Mose 5:9

Tou vitsress tout gar glan i vavar debleste tele, oun mangess les gar an. Me, o baro Devel, hom tiro Devel, oun kamau, te kamess man kokres. Kolen, kay kamenn mandar či te djinell oun anenn doosh ap pende, dau me i phagi. Me dau ninna i phagi lengre čavende oun kolengre čavende yaake rah har triin-te-star familye yek pal i vavar djivenn.

2. Timoteo 3:4

Yon hi phoukepangre. Yon venn sik rhoyedo. Yon phourdenn pen pre. Yon kamenn boudeder pengro khelepen har o Debles.

Jakobo 4:4

T'mer rhorhran oun moukan o Debles! Djinenn t'mer gar, kay kolla, kay čivenn pengre djia ap i phoubyakro koova, kolla hi gar o Debleskre mala? Koon kamell ko drom te djal, hoy i menshe ap kay phoub djana, kova kamell o Debles gar.