Johanni 14:6 - O Debleskro Lab 2024 (Sinte-Manouche)

⁶ “Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

O Debleskro Drom 2021 (Sinte)

⁶ “Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 14:6 ပူးပေါင်းရင်းမြစ်များ

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 1:4

An leste his o djipen. Oun ko djipen his i bari momeli i menshenge.

Johanni 10:28

Oun me dau len ko djipen, hoy gar pre-herella. Oun yon djan gar nashedo. Oun kek nay tserdell len dran miro vast vin.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

Johanni 10:9

Me hom ko voudar. Te djal yek an kava voudar dren, kova djal gar nashedo. Yob djal dren oun vin, oun yob hatsell shoukar zenlepen rhapaske.

Johanni 14:19

An i tikno tsiro dikenn man i menshe ap kay phoub bouder gar. T'mer dikenn man. Me djivau. Doleske djivenn t'mer ninna.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

Johanni 18:37

Poučas o Pilato lestar: “Hal tou čačepah i baro ray?” Penas o Yezous: “Ava, hi yaake har tou penal. Me hom i baro ray. Me vom boldo ap kay phoub, te penap o čačepen. Koon an o čačepen tardo hi, kova shounell ap mande.”

Johanni 5:21

Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 6:33

O Debleskro maro hi kova, kay vas dran o bolepen, oun dell i menshen o djipen.”

Johanni 6:51

Me hom ko maro, hoy dell o djipen, oun hoy vas dran o bolepen. Hakeno, koon rhala kava maro, lell o djipen, hoy gar pre-herella. Oun ko maro hi miro mass. Me dau les i menshenge, te lenn le ko djipen.”

Johanni 6:57

Yaake har o dad, kay bičras man, hi djido, oun das man o djipen, yaake dau me o djipen kolende, kay rhan miro mass.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Johanni 8:51

Čačepah, me penau t'menge: Te hi yek koy, kay krella, hoy me penom, kova merell bouder gar.”

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Bičepangre 4:12

Kek vavar har o Yezous kokres nay anell men pash o Debleste. Ap i tseli phoub das o Devel kek vavares, kay nay lell men dran o čilačepen oun o merepen vin.”

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Kolossarja 2:17

Me penau t'menge: Kol tsele laba, kay penenn, hoy hounte krenn, oun hoy hounte krenn gar, kol laba das o Devel i bibolden glan i rah tsiro, te sikrell lo len, te vell yek dives, kay kova vella, kay hi bareder har kava tselo koova. Kova vas kanna. Yob hi o Yezous Kristo.

Kolossarja 2:9

O Yezous Kristo hi o ray pral i tsele rayende oun lauterende, kay hi len penepaske mashkral o bolepen oun i phoub. Les hi o tselo Debleskro djipen an peste. Oun ko djipen dell lo kolende, kay leskro hi.

Kolossarja 3:4

Ap ko tsiro, kay nay dikell hakeno o Yezous Kristes, dikenn le ninna t'men pash leste an leskro raylepen.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

Hebrearja 9:8

Yaake sikrell men o Debleskro Dourho, kay kek nay djal an koy palstouni kouč isema, yaake rah, har hi koy glanstouni isema koy.

1. Petro 1:21

Yob anas t'men ap o Debleskro drom. O Devel kras les i moulendar djido, oun das les peskro raylepen. Doleske čivenn t'maro tselo patsepen ap leste!

1. Petro 2:4

Avenn pash leste! Yob hi ko djido bar, hoy o Devel vin rodas. O Debleske hi lo o kouč bar, ninna te vitsran les i menshe ap i rig.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Johanni 1:8

Mer te penah: “Men hi kek doosh an maro djipen”, yaake rhorhah men kokres, oun mer ham gar an o čačepen tardo.

1. Johanni 2:23

Hakeno, kay o Debleskro čaves bourhoste della, prindjrell vitar gar o Debles, kay leskro dad hi. Koon ap o Yezouseste patsella, oun i menshenge penella, te hi o Yezous o Debleskro čavo, kova prindjrella ninna o Debles, leskro dades.

1. Johanni 5:20

Mer djinah, kay o Debleskro čavo ap kay phoub vas, te krell lo mare yaka pre, te prindjras o čačo Debles. Oun yaake har mer ham khetne o Debleskro Čaveha, o Yezous Kristeha, yaake ham khetne o čačo Debleha. O Yezous Kristo hi o čačo Devel. Oun yob dell ko djipen, hoy gar pre-herella.

1. Johanni 5:6

O Yezous Kristo vas pash mende. Yob vas taufedo an o pani oun meras ap o troushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kay yob o Debleskro čavo hi. Oun o Debleskro Dourho penell menge kova ninna. Oun o Debleskro Dourho penell o čačepen.

2. Johanni 1:9

Hakeno, koon ačell gar pash kol laba, hoy o Yezous Kristo menge penas, oun penell vavar koova, kova ačell gar o Debleha. Kova, kay ačell pash kol laba, hoy o Yezous Kristo menge penas, kova ačell o Debleha, maro dadeha, oun peskro Čaveha.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 22:1

Oun yob sikras man o baro lengsto pani, hoy djoudjo hi har i djoudji vali. Ko pani dell o djipen oun vell kotar, kay hi o beshepaskro o Deblestar oun o terno bakrestar.

Debleskro tsiro 22:17

O Debleskro Dourho oun o terno bakreskri pirni penenna: “Ab!” Oun koon kova shounell, penella: “Ab!” Oun kones troush hi, kova vella! Koon kamell, kova lell čičeske o pani, hoy o djipen dell.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.