Johanni 14:17 - O Debleskro Lab 2024 (Sinte-Manouche)

¹⁷ Kova hi o Debleskro Dourho, kay penell i menshenge o čačepen pral o Debleste. Kolla, kay patsenn gar ap o Debleste, nay lenn les gar. Yon dikenn les gar oun prindjrenn les gar. T'mer prindjrenn les. Yob ačell pash t'mende, oun hi an t'mende.

O Debleskro Drom 2021 (Sinte)

¹⁷ Kowa hi o Debleskro Ducho, kai penell i menshenge o tchatchepen pral o Debleste. Kolla, kai patsenn gar ap o Debleste, nai lenn les gar. Jon dikenn les gar un prindjrenn les gar. Tumer prindjrenn les. Job atchell pash tumende, un hi an tumende.

Johanni 14:17 ပူးပေါင်းရင်းမြစ်များ

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 59:21

Kava krau me lentsa vin, penell o baro Devel: Me čivom miro dourho ap t'mende. Oun mire laba, hoy penom t'menge, ačenn pash t'mende. Oun t'mer penenn len doureder ap t'mare čavende, oun yon ap pengre čavende, oun kolla ap pengre čavende. Kova ačella yaake kanna oun hako tsireske. Kova penau me, o baro Devel,

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

Mateo 10:20

T'mer han gar kolla, kay rakrenna. Kova hi o Debleskro Dourho, kay dran t'mende rakrella.

Johanni 14:16

Oun me mangau o dadestar, te bičrell yob t'menge i rakepaskres, kay vell ap t'mari rig. Yob djal bouder gar krik t'mendar.

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 15:26

Te hom pash o dadeste, palle bičrau t'menge o rakepaskres, kay vella ap t'mari rig. Kova hi o Debleskro Dourho. An leste hi o čačepen. Yob vella o dadestar, oun penell o čačepen pral mande.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Johanni 6:40

Kova kamell miro dad: Hakeno, koon o čaves dikella, oun ap leste patsella, lell o djipen, hoy gar pre-herella. Oun me krau les i moulendar djido ap o palstouno dives.”

1. Korintarja 14:15

Hoy hounte krap me kanna? Me kamau te rakrap o Debleha an i rakepen, hoy o Debleskro Dourho man das. Ninna kamau me te rakrap leha i labentsa, hoy me hayvau. Oun me kamau leske te givap, har o Debleskro Dourho moukell man te givell. Oun ninna kamau te givap i labentsa, hoy me hayvau.

1. Korintarja 2:14

I mensho, koles o Debleskro Dourho gar hi, hayvell gar, hoy o Debleskro Dourho penella. O Debleskro koova hi leske dinlepen. Ko mensho nay dikell gar, har o Devel kova dikella.

1. Korintarja 3:16

Djinenn t'mer gar, kay han t'mer o Debleskro kheer, oun kay o Debleskro Dourho an t'mende djivella?

1. Korintarja 6:19

Djinenn t'mer gar, kay han t'mer o kheer, kay o Debleskro Dourho djivella? Kova hi an t'mende oun vell o Deblestar. Oun t'mer han leskre, oun nay krenna bouder gar, hoy kamenna.

2. Korintarja 13:5

Dikenn ap t'mende, har t'mer an o patsepen tardo han! Hi t'maro patsepen čačo? Djivell o Yezous Kristo mank t'mende? Te hayvenn t'mer gar, te hi lo mank t'mende, palle hi t'maro patsepen či moldo.

2. Korintarja 6:16

An o Debleskro baro kheer vell o djido Devel kokres sharedo oun kek vavar koova. Mer halauter ham o djido Debleskro baro kheer. O Devel penas: Me kamau te djivap pash lende oun mashkral lende. Me kamau lengro Devel te vell, oun yon hi mire menshe.

Galatarja 4:6

Kanna ham leskre čave. Doleske das o Devel peskro čaveskro Dourho an mare djia. Kova dell gole: Tata, miro dad!

Efesarja 2:22

Ninna t'mer djivenn o Yezous Kristeha khetne. Doleske han t'mer ninna har barra an o Debleskro kheer, kay o Debleskro Dourho djivella.

Efesarja 3:17

Me mangau lestar ninna, te djivell o Yezous Kristo an t'mende dran t'maro patsepen, oun te kamenn t'mer o Debles oun ninna yek o vavares o djiyestar. Palle han t'mer har i rouk, koleskre draba djan dour an i phoub. Oun t'mer han har i kheer, hoy zoreles tardo hi.

Kolossarja 1:27

Kolen sikras o Devel, har baro oun shoukar ko drom hi, hoy anell ninna kol menshen pash leste, kay kek bibolde hi. Oun ko drom hi o Yezous Kristo, kay djivell an t'mende. Doleske djinenn nay, te djivenn t'mer leha khetne an o bolepen.

2. Timoteo 1:14

Kal lače laba hi har i kouč bravlepen, hoy an tiro vast dino vas. Rike len! O Debleskro Dourho, kay an toute djivella, dell tout koy zoor, te kress kova.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

1. Johanni 3:24

Koon kova krella, hoy yob menge penas, kova ačell o Debleha khetne. Oun o Devel ačell leha khetne. O Devel das men peskro Dourho. Oun kova sikrell mende, te hi o Devel mentsa.

1. Johanni 4:4

Mire čave, t'mer han o Deblestar, oun han zorleder har kol rhorhene rakepangre. O Debleskro Dourho, kay an t'mende hi, hi zorleder har o beng, kay an i menshende hi, kay o Debles gar prindjrenna.

1. Johanni 4:6

Mer ham o Deblestar, oun hakeno, koon o Debles prindjrella, shounell ap mende. Koon hi gar o Deblestar, kova shounell gar ap mende. Doleske djinah mer, kones o Debleskro Dourho hi, kay rakrell o čačepen, oun kones o rhorheno dourho hi.

1. Johanni 5:7

Kolla hi triin, kay sikrenn mende, kay o Yezous o Debleskro čavo hi:

Debleskro tsiro 2:17

Shounenn halauter mishto, hoy o Debleskro Dourho penella ap i patslende! Kova, kay zoreles an o patsepen ačas, oun gar pre das, koles dau ko maro dran o bolepen te rhal, hoy kharella Manna. Ninna dau les i parno bar. Ap koleste hi o nevo lab činlo, koles kek prindjrell, har kova, kay les lella.”