Johanni 14:13 - O Debleskro Lab 2024 (Sinte-Manouche)

¹³ Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

O Debleskro Drom 2021 (Sinte)

¹³ Un hoi tumer an miro lab mangenna, kowa kamau me te krell tumenge. Kowa, hoi o tchawo krella, sikrell i menshende o Debleskro railepen un leskri soor.

Johanni 14:13 ပူးပေါင်းရင်းမြစ်များ

Mateo 21:22

Te patsenn t'mer, te lenn kova, hoy mangenna o Deblestar, palle lenn t'mer kova lauter ninna.”

Mateo 7:7

Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar, oun kova vell t'menge pre kerdo!

Markus 11:24

Doleske penau t'menge: Lauter, hoy t'mer o Deblestar mangenna, patsenn, te lan les, palle lenn t'mer kova ninna.

Louka 11:9

Doleske penau t'menge: Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar! Oun o voudar vell t'menge pre kerdo.

Johanni 10:30

Me oun o dad ham yek.”

Johanni 12:44

Oun o Yezous das zoreles gole: “Koon ap mande patsella, kova patsell gar ap mande kokres. Kova patsell ninna ap koleste, kay bičras man.

Johanni 13:31

Har o Youdas vin djas, penas o Yezous: “Kanna vell o Menshengro Čaveskro raylepen oun leskri zoor diklo. Oun o Debleskro raylepen oun leskri zoor vell diklo ap leste.

Johanni 14:14

Kova, hoy t'mer mangenn an miro lab, kamau me t'menge te krell.”

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 15:7

Te ačenn t'mer an mande oun krenn kova, hoy me penom, palle nay mangenna mandar, hoy kamenna. Oun kova lenn t'mer.

Johanni 16:23

Ap ko dives, poučenn t'mer mandar či. Čačepah, me penau t'menge: Te mangenn t'mer miro dadestar čomone an miro lab, kova dell yob t'men.

Johanni 16:26

Ap ko dives mangenn t'mer o dades an miro lab. Me penau gar, kay me mangau miro dades t'menge.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 5:19

O Yezous penas ap lende: “Čačepah, me penau t'menge: O čavo nay krell či pestar. Yob dikell, hoy o dad krella. Oun kova, hoy krell o dad, kova krell ninna o čavo.

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

1. Korintarja 14:13

Hi yaake: Koon an i rakepen rakrella, hoy das les o Debleskro Dourho, kova hounte mangell o Deblestar, te nay penell lo i menshenge kova, hoy koy rakedo vas.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

Efesarja 3:12

oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.

Efesarja 3:14

Doleske perau ap mire čanga, oun parkrau man pash o Debleste, maro dadeste.

Filiparja 4:13

O Yezous Kristo dell man i zoor, te djivap yaake te yaake.

Kolossarja 3:17

Oun lauter, hoy t'mer krenna oun penenna, kova krenn oun penenn yaake, te vell maro ray Yezous sharedo! Oun parkrenn t'men pash o Debleste, maro dadeste, lautereske, hoy o Yezous Kristo t'menge kras!

Hebrearja 13:15

Dran kova parkras men pash o Debleste, sharas les hako tsiro, oun kras o Yezouseskro lab bares.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.

1. Johanni 3:22

Oun lauter, hoy mer lestar mangah, kova lah mer, te rikrah men ap kova, hoy yob menge penas, oun djivah yaake, har yob kamella.

1. Johanni 5:14

Ko yek djinah: Te mangah o Deblestar čomone, yaake har yob kova kamella, yaake shounell lo men.