Johanni 13:19 - O Debleskro Lab 2024 (Sinte-Manouche)

¹⁹ Me penau t'menge kova kanna, te patsenn t'mer, te vella kova. Ap ko tsiro djinenn t'mer, kay me hom kova, koon me hom.

O Debleskro Drom 2021 (Sinte)

¹⁹ Me penau tumenge kowa kanna, te patsenn tumer, te wella kowa. Ap ko tsiro djinenn tumer, kai me hom kowa, koon me hom.

Johanni 13:19 ပူးပေါင်းရင်းမြစ်များ

Jesaja 41:23

Ava, kol debla mou penenn menge, hoy pal kava vell, yaake te nay dikas: Yon hi debla! Penenn lenge, te krenn le čomone, nay vell i lačo koova, nay vell i čilačo koova, yaake te ačell menge o rakepen krik, oun mer halauter trashas.

Jesaja 43:10

O baro Devel penell: Mire menshe, t'mer han kolla, kay djinenn, hoy me krom; oun t'mer han kolla, kay mange vi-rodom, te venn mange koy. Kanna djinenn t'mer oun patsenn oun hayvenn, te hom me o čačo Devel. Glan mande vas kek vavar devel, oun pal mande vell vitar kek vavar devel.

Jesaja 48:5

Doleske penom me kova t'menge glan i rah tsiro. Oun glan kova vas, moukom me les t'men te shounell, te nay penenn gar: “Miri debleskri figura kras kova, oun koy figura dran kasht oun saster, hoy an-mangom, kaya penas, te vell kova yaake.”

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Mateo 11:3

oun moukas lestar te poučell: “Hal tou kova, kay hounte vell? Hounte dikas mer ap i vavareste, te vell lo?”

Mateo 24:25

Ma bistrenn, hoy me t'menge penom!

Louka 21:13

Yon te krenn kova lauter t'mentsa, palle rakrenn nay mandar.

Johanni 1:15

O Yohanni rakras lestar, oun das gole: “Yob hi kova, kolestar penom: Kova, kay pal mande vella, hi pral mande. Yob his glan mande koy.”

Johanni 14:29

Me penau t'menge kava kanna, te patsenn t'mer ap ko tsiro, kay kova vella, kay kova čačo hi, hoy me t'menge penom.

Johanni 16:4

Te vell ko tsiro, hounte djinenn t'mer, kay kova yaake vella, har me les t'menge penom. Me penom t'menge kova gar, har homs pash t'mende. Kanna penau t'menge kova.

Johanni 4:26

Penas o Yezous: “Me hom kova. Tou rakreh leha.”

Johanni 8:28

Koy penas o Yezous ap lende: “Te hadan t'mer o Menshengro Čaves pral, palle djinenn t'mer, koon me hom, oun kay me či mandar kokres kraua. Hoy o dad mange penas, kova penau me doureder.

Johanni 8:58

Penas o Yezous ap lende: “Čačepah, me penau t'menge: O Abraham his gomme gar boldo, koy homs me koy.”