Johanni 12:34 - O Debleskro Lab 2024 (Sinte-Manouche)

³⁴ Koy penan i menshe ap leste: “Dran o Debleskro lab shounam, kay ko baro ray, kolestar o Devel penas, te vell yob, ačell hako tsiro. Har nay peneh tou, kay o Mensheskro Čavo hounte vell ap o troushel dino? Koon hi ko Mensheskro Čavo?”

O Debleskro Drom 2021 (Sinte)

³⁴ Koi penan i menshe ap leste: “Dran o Debleskro lab shunam, kai ko baro rai, kolestar o Dewel penas, te well job, atchell hako tsiro. Har nai peneh tu, kai o Mensheskro Tchawo hunte well ap o trushel dino? Koon hi ko Mensheskro Tchawo?”

Johanni 12:34 ပူးပေါင်းရင်းမြစ်များ

2. Samuel 7:13

Kova krell mange i kheer. Oun me krau te ačell lo hako tsiro baro ray.

Debleskri gili 110:4

O baro Devel das pes sovel, oun yob las lat gar pale. Yob penas: “Tou hal rashay hako tsireske, savo har o Melkisedek his.”

Debleskri gili 72:7

Palle djal mishto kolenge, kay an o čačepen tardo hi. Oun i menshe djivenn lačes khetne, bis te o čon bouder gar koy hi.

Jesaja 53:8

Yob vas stildo oun glan i čačepangre anlo oun krik lino, te vell lo maredo. Oun kek nay rakrell leskre čavendar, kay pal leste venna. I doshake mire menshendar vas yob vin tserdedo dran o them, kay i djide djivenn.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Daniel 7:27

Oun kol tsele themma ap i phoub venn kol menshende o pralstouno Deblestar dino. Oun yon venn i raya pral lende, oun len vell i zoor oun penepaske pral lende. Oun o pralstouno Devel ačell o baro ray hako tsireske. Oun kolla lauter, kay pralstoune hi ap kay phoub, hounte mangenn les an oun hounte shounenn ap leste.”

Micha 4:7

Oun me krau, te venn lendar boud menshe. Ava, kolendar, kay krik tradedo his oun pale khere anlo van, vell i baro natsyona. Oun palle hom me, o baro Devel, o baro ray pral lende ap i berga Sion hako tsireske.

Mateo 16:13

O Yezous djas pash o foro Cesarea Filipi. Oun kote poučas lo peskre malendar: “Hoy penenn i menshe pral o Menshengro Čaveste?”

Mateo 21:10

Oun har o Yezous an o foro Yerusalem vas, van kote i tsele menshe divyo, oun yon poučan: “Koon hi kova?”

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Johanni 10:34

Penas o Yezous: “An o Debleskro lab, ap koleste t'men rikrenna, kote hi činlo: Me, o Devel penom: T'mer han debla.

Johanni 12:32

Te hom pral i phoub hadedo, tserdau lauteren pash mande.”

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.

Johanni 8:28

Koy penas o Yezous ap lende: “Te hadan t'mer o Menshengro Čaves pral, palle djinenn t'mer, koon me hom, oun kay me či mandar kokres kraua. Hoy o dad mange penas, kova penau me doureder.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 5:18

Yaake dikah: O Adam kras i čilačo koova, oun doleske van le lauter pale-čiddo glan o Debleste oun hounte meran. O Yezous Kristo kras i čačo koova, oun doleske venn le lauter čačo glan o Debleste oun lenn o Debleskro djipen.

Hebrearja 7:24

O Yezous ačell o rashay hako tsireske. Yob merella gar, oun kek vavar vell pal leste.