Johanni 12:29 - O Debleskro Lab 2024 (Sinte-Manouche)

²⁹ Boud menshe, kay koy pashel tardo hi oun shounan kova, penan: “O bolepen das gole.” Vavar penan: “Kova his i Debleskro bolepaskro, kay rakras leha.”

O Debleskro Drom 2021 (Sinte)

²⁹ Bud menshe, kai koi pashel tardo hi un shunan kowa, penan: “O bolepen das gole.” Wawar penan: “Kowa his i Debleskro bolepaskro, kai rakras leha.”

Johanni 12:29 ပူးပေါင်းရင်းမြစ်များ

Hiob 40:9

Hi tout savi bari zoor har man? Nay rakreh tou savi zoryah har me?

2. Mose 19:16

Ap o triinto dives taysarlake das o bolepen bari gole, oun yag das tele karye, oun i pessi folka his pral i tseli berga, oun i phourdepaskri das bari gole. Oun i tsele Israelitarya lan i bari traash, te trissan lengre kokale.

2. Mose 20:18

Oun i tsele Israelitarya shounan, har o bolepen gole das, oun dikan, har yag dran o bolepen tele karye das. Ninna shounan le, har yek ap i phourdepaskri phourdas, oun dikan i yagakro dourho. Oun har yon kava shounan oun dikan, nashan le penge oun ačan i kotar doureder tardo oun trissan i daryatar.

Ezekiel 10:5

Oun kol čirklengre moussya foun kol bolepangre kran yaake bari gole, har te rakrell o zorelo Devel. Oun me shounom lat ninna an koy bari glanstouni platsa.

Bičepangre 9:7

Kol morsha, kay pash leste his, kolenge ačas o rakepen krik. Yon shounan i rakepen oun dikan kekes.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 14:2

Oun me shounom i gole dran o bolepen. Kay gole his yaake zorelo har boud panya gole denna, oun har koy gole, hoy o bolepen krella, te dell baro brishin, oun te dell yag karye tele ap i phoub. Kay gole his ninna yaake har o bashepen, hoy kol bashepangre krenna, hoy harfe kharenna.

Debleskro tsiro 6:1

Oun me dikom, har ko terno bakro yek kol efta doryendar pre pandas, hoy ko liil khetne rikrenna. Oun me shounom, har yek kol star zorele bolepangrendar zoreles penas: “Ab!”

Debleskro tsiro 8:5

Oun ko bolepaskro las ko čaro, an koleste ko goudlo kasht rhačedo vella, oun kras les pherdi yag, hoy yob dran o Debleskri rhačepaskri las, oun čoras o čaro vin ap i phoub. Koy das yag karye pral oun tele, oun das bari zoreli gole, har koy gole, hoy o bolepen krella, te dell baro brishin, oun te djal yag tele ap i phoub. Oun i phoub trissas zoreles.