Johanni 12:15 - O Debleskro Lab 2024 (Sinte-Manouche)

¹⁵ “T'mer menshe an o foro Yerusalem, ma darenn! T'maro baro ray vella oun hi beshdo ap i terni esla.”

O Debleskro Drom 2021 (Sinte)

¹⁵ “Tumer menshe an o foro Jerusalem, ma darenn! Tumaro baro rai wella un hi beshdo ap i terni esla.”

Johanni 12:15 ပူးပေါင်းရင်းမြစ်များ

2. Samuel 15:1

Oun koy pal vas kova yaake, kay o Absalom peske i vourdin las, oun graya, oun paash-sheel morshen, kay nashan glan leste.

2. Samuel 16:2

Koy penas o baro ray ap o Siba: “Hoy kreh tou ko koveha?” Penas o Siba: “Miro baro ray, kol esle hi touke oun tire menshenge, te klissenn koy pre. Oun ko maro oun kol roukengre hi tire lourdenge rhapaske, oun koy mool pipaske, kolenge, kay venn khino an o moulo them.”

1. Rajengro liil 1:33

Oun o baro ray penas ap lende: “Lenn t'mentsa i pralstunen pral miro kheer, oun penenn miro čaveske, o Salomo, te beshell lo pes ap miri bourika, oun djan leha tele pash o pani Gihon!

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 62:11

Dikenn, o baro Devel moukell kal laba te shounell ap i tseli phoub: Penenn i menshenge an o foro Yerusalem: Kova, kay lell t'men vin dran o čilačepen, hi ap o drom. Kolen yob peske khetne anas, kolla hi pash leste. Ava, kolen yob peske ginas, kolla djan glan leste.

Micha 4:8

Oun tou Yerusalem hal har i turmo, kolestar me garda dau ap mire menshende. Tou veh pale ko zorelo raylo foro, hoy hals. An toute djivell o baro ray.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 21:5

Penenn i menshenge an o foro Yerusalem: Dik, tiro baro ray vell pash toute. Yob hi lačo oun krell pes gar bares. Yob hi beshdo ap i esla, ap i terni esla.

Johanni 12:14

Oun o Yezous hatsas i terni esla, oun beshas pes ap late, yaake har tardo hi an o Debleskro lab:

5. Mose 17:16

T'maro rayes hounte vell gar boud graya oun hounte bičrell gar i Israelitaryen pale an o them Egiptia, te ginenn le leske graya. O baro Devel penas t'menge, te djan t'mer kava drom gar bouder pale.

Čačepangre 12:14

Oun koles his star-desha morsh čave oun triyanda čavengre čave. Oun kolla klissan ap 70 (efta-desha) bourike. Oun yob kras o čačepen pral o Israel orhta bersha vin.

Čačepangre 5:10

T'mer, kay ap i parne bourike klissenna, oun t'mer, kay ap i stakepangre beshenna, oun t'mer, kay ap o drom djan: Givenn!