Johanni 11:55 - O Debleskro Lab 2024 (Sinte-Manouche)

⁵⁵ His i tikno tsiro glan kol bare biboldengre divessa, kay kharenna Passa. Dran ko tselo them van i menshe an o foro Yerusalem, te thovenn pen le an o pani glan o Passa, yaake har i biboldengro koova hi.

O Debleskro Drom 2021 (Sinte)

⁵⁵ His i tikno tsiro glan kol bare biboldengre diwessa, kai kharenna Passa. Dran ko tselo them wan i menshe an o foro Jerusalem, te thowenn pen le an o pani glan o Passa, jaake har i biboldengro koowa hi.

Johanni 11:55 ပူးပေါင်းရင်းမြစ်များ

1. Mose 35:2

Koy penas o Yakob ap peskri familya oun ap lauterende, kay pash leste his: “Čivenn t'mendar krik kol deblen dran barra oun kashta, hoy t'mer an-mangenna! Thovenn t'men oun rivenn t'men djoudje ripya an!

Hiob 1:5

Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

4. Mose 9:10

Pen ap i Israelitarya: Te vas yek t'mendar, ninna t'mare čavendar, pale-čiddo ap i mouleste, nay rhal lo ko rhapen gar ap kava dives. Kova hi ninna yaake kolenge, kay hi ap o drom.

4. Mose 9:6

Koy his morsha, kay tapran i moules an, oun van pale-čiddo. Kolla nay van gar glan o Debleste ap ko dives, te rhan le ko Passa. Yon van glan o Moseste oun glan o Aroneste,

Mateo 26:1

Oun har o Yezous kova lauter ap i tsele menshende penas, kay kote his, penas lo peskre malenge:

Mateo 26:2

“T'mer djinenna, an douy divessa venn kol bare divessa, kay Passa kharenna. Oun o Menshengro Čaves vell an i vasta kolendar dino, kay les ap o troushel denna, te merell lo.”

Markus 14:1

His douy divessa glan kol bare divessa, kay kharenna Passa oun glan kol divessa, kay rhan i bibolde kek shoutlo maro. Oun kol bare rashaya oun kol biboldengre čačepangre rodan i lačo tsiro, te taprenn le o Yezouses čorrhanes, te marenn le les.

Louka 22:1

His glan kol divessa, kay i bibolde kek maro rhan, kay shoutlo yarro dren hi. Kol divessa kharenna Passa.

Johanni 12:1

Shob divessa glan ko festo Passa vas o Yezous pale an o foro Betani, kay o Lazaro djivella. Koles kras o Yezous i moulendar djido.

Johanni 13:1

His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Johanni 2:13

Glan kol biboldengre bare divessa, kay kharenna Passa, djas o Yezous an o foro Yerusalem.

Johanni 2:6

An ko kheer his shob panyeskre khore dran bar. I bibolde hounte thovan pengre vasta kote, yaake har kova pash i bibolde hi. An hako khoro djas sheel-te-biish litarya dren.

Johanni 5:1

Pal kova his i baro Debleskro dives i biboldenge. Oun o Yezous djas an o foro Yerusalem.

Johanni 6:4

His i tikno tsiro glan i biboldengre bare divessa, kay kharenna Passa.

Bičepangre 21:24

Ko tsiro hi sik trouyel. Le len pash toute, oun thob tout lentsa khetne pal o biboldengro čačepen, oun de len love, te moukenn yon pengre balla tele te činell! Yaake dikenn i tsele bibolde, kay kova gar čačo hi, hoy yon pral toute penan. Oun yon dikenna, kay tou pal o biboldengro čačepen djiveh.

Bičepangre 21:26

Koy las o Paulo kol morshen pash peste. Oun o vavar dives thovas lo pes lentsa khetne pal o biboldengro čačepen. Palle djas yob an o Debleskro baro kheer. Oun kote penas lo i rashayenge: “Mer thovam men pal o biboldengro čačepen. An efta divessa anah mer firhen hakeneske mendar, te venn le maredo o Debleske. Koy tsiro hi kanna trouyel, ap hoy mer men sovel dam.”

Bičepangre 24:18

Har homs an o Debleskro baro kheer oun thovom man pal o biboldengro čačepen, his gar boud menshe pash mande, vitar kek, kay his rhoyedo oun divyo.

1. Korintarja 11:28

Doleske hounte dikell hakeno ap peste, har hi lo an o patsepen tardo. Oun palle rhal yob o maro oun piyell dran ko khoro.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

1. Samuel 16:5

“Ava”, penas lo. “Me hom kay, te anap o baro Debleske i firhes. Krenn kova, hoy glan činlo hi, te venn djoudjo o Debleske! Oun avenn mantsa, te rhas mer o firhes, hoy anom o Debleske.” Oun yob kras ap o Isay oun leskre čavende kova, hoy glan činlo hi, te venn le djoudjo o Debleske, oun penas: “Avenn mantsa, te rhas mer o firhes, hoy dau o Debleske.”