Johanni 11:43 - O Debleskro Lab 2024 (Sinte-Manouche)

⁴³ Har yob kova penas, das lo zoreles gole: “Lazaro, am vin!”

O Debleskro Drom 2021 (Sinte)

⁴³ Har job kowa penas, das lo soreles gole: “Lazaro, am win!”

Johanni 11:43 ပူးပေါင်းရင်းမြစ်များ

Markus 4:41

Oun kolen vas i bari traash, oun yon penan mank pende: “Koon hi ko morsh? Ninna o zorelo dourho oun o baro pani shounenn ap leste.”

Johanni 11:42

Me djinau, kay tou man hako tsiro shouneh. Me penau kava kol boud menshenge, kay hi kay tardo, te dikenn le oun te patsenn le, kay tou man bičral.”

Johanni 11:44

Oun kova, kay meras, vas vin. Troul leskre herya oun vasta his layntikre kotya pandlo. Ninna troul leskro mouy his i diklo pandlo. Penas o Yezous ap lende: “Lenn kol kotya lestar lauter tele, oun moukenn les te djal!”

Johanni 12:1

Shob divessa glan ko festo Passa vas o Yezous pale an o foro Betani, kay o Lazaro djivella. Koles kras o Yezous i moulendar djido.

Johanni 12:9

Boud bibolde shounan, kay o Yezous an o gab Betani hi, oun van koy. Yon van gar, te dikenn le o Yezouses kokres. O Lazares kaman le ninna te dikell, koles, kay o Yezous i moulendar djides kras.

Bičepangre 3:12

Har o Petro kolen dikas, penas lo ap lende: “Morshale dran Israel, hoske krenn t'mer save bare yaka, oun dikenn ap mende? Kova kras gar mari zoor, vitar gar maro patsepen, te nay nashell kava morsh.

Bičepangre 3:6

O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”

Bičepangre 9:34

O Petro penas ap leste: “Aneas, o Yezous Kristo krell tout sasto. Ste pre oun kre kokres tiro čiben!” Koy stas yob sik pre.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.