Johanni 11:19 - O Debleskro Lab 2024 (Sinte-Manouche)

¹⁹ Oun boud bibolde his pash i Marta oun pash i Maria, te rakrenn le lentsa, te hi i douk gar yaake baro pral lengro phraleskro merepen.

O Debleskro Drom 2021 (Sinte)

¹⁹ Un bud bibolde his pash i Marta un pash i Maria, te rakrenn le lentsa, te hi i duk gar jaake baro pral lengro phraleskro merepen.

Johanni 11:19 ပူးပေါင်းရင်းမြစ်များ

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

2. Samuel 10:2

Koy penas o David: “Me kamau o čaveha o Nahashestar, o Hanoun, maal te vell, yaake har leskro dad miro maal his.” Oun o David bičras morshen koy, oun moukas leske lendar kamle laba te penell pral leskro dadeste, te vell leske gar bouder ropaske. Har kanna kolla, kay o David bičras, an ko them Ammon van,

1. Familjakro liil 10:12

kran pen i tsele čače morsha ap o drom, oun lan o moulo Saules oun leskre moule čaven, oun anan len an o foro Yabesh, oun paskran len tel ko baro rouk pash o foro Yabesh, oun rhan či efta divessa.

Hiob 2:11

O Hiobes his triin mala. Har shounan yon foun koy bibarht, hoy vas pral o Hiob, van le pash leste khetne, hakeno foun kotar, kay yob djivell: O Elifas dran o foro Teman, o Bildad dran o them Shoua, o Sofar dran o them Naama. Oun yon kran penge vin, te djan le pash leste, te sikrenn le leste, har khaytell lo len, oun te penenn le leske lače laba.

Hiob 42:11

Oun leskre tsele phrala oun phenya oun kolla, kay les glan ko tsiro prindjran, van pash leste, oun rhan khetne leha, oun rakran lačes leha, oun penan har koy bibarht lenge doukas, hoy moukas o baro Devel pral leste te vell. Oun hakeno das les i sonakaskri bema oun i goustri.

Sikepaskro 7:2

O mensheske hi feteder te djal lo an i kheer, kay yek meras oun i menshe rovenna, har te djal lo an i kheer, kay krenn le i biyab. Kote, kay yek meras, vell diklo, kay hako mensho hounte merella. Oun koon gomme djido hi, moukell pes kova an o dji te djal.

Jesaja 51:19

Kal douy koova van ap toute: Tiro them vas paash dino oun tire forya tele-phagedo. Boud tire menshendar meran i bokatar oun an o kourepen. Oun kek hi koy, te rovell lo touha, te penell lo touke lače laba.

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Ropaskre gilja 2:13

Ah, Yerusalem, hoy te penap touke? Miro foro, hoy yaake kamau, har nay dap tout kamle laba? Kekeske djas yaake djoungeles har touke! Hoy nay penoms touke, te djal touke feteder? Tiri douk hi yaake baro har o baro pani. Koon nay krell tout sasto?

Louka 10:39

Oun kolat his i pheen. Koya kharas Maria. Yoy beshas pes glan leskre pire, oun shounas, hoy yob penas.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Johanni 1:19

Har bičran i pralstoune bibolde dran o foro Yerusalem i rashayen oun i Levitaryen pash o Yohanneste, te poučenn le lestar: “Koon hal tou?” penas yob glan i tsele menshende, kay kote tardo hi: “Čačepah, me hom gar o Kristo.”

Johanni 11:1

Koy his yek nasselo čiddo. Leskro lab his Lazaro. Yob his dran ko gab Betani, kay ninna i Maria oun lakri pheen Marta djivan.

Johanni 11:31

Kol bibolde, kay pash i Mariate an o kheer his, te rakrenn le lačes lah, dikan, har yoy sik pre stas oun vin nashas. Koy djan le lake palla. Yon patsan, yoy djal pash o moulengro kheer, te rovell li koy.

Johanni 11:33

Har o Yezous dikas, kay yoy rovella oun kol bibolde ninna, kay lah van, djas kova leske phares an o dji. Oun leskro dji rovas.

Johanni 11:36

“Dikenn,” penan i bibolde, “yob hounte kamas les o djiyestar!”

Johanni 11:45

Boud kol biboldendar, kay pash i Mariate van, dikan kova, hoy o Yezous kote kras, oun yon patsan ap leste.

Johanni 11:8

Penan leskre mala ap leste: “Sikepaskro, his gar rah, koy kaman tout i bibolde moulo te dell i barrentsa. Oun pash kolende kameh tou pale te djal?”

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

2. Korintarja 1:4

Ninna te vell boud pharo koova ap mende, hi lo pash mende oun krell mare djia zoreles, te penas mer kolenge lače laba, ap kolende ninna pharo koova vella, te venn yon pale zoreles, yaake har kras o Devel mare djia zoreles.

1. Tessalonikarja 4:18

Te dell yek o vavareste zoor kal labentsa!

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

1. Samuel 31:13

Oun yon lan lengre kokale oun paskran len tel ko baro rouk an o foro Yabesh. Oun yon rhan efta divessa či.