Johanni 10:36 - O Debleskro Lab 2024 (Sinte-Manouche)

³⁶ Man hi o dadeskro vast. Oun miro dad bičras man ap kay phoub. Me te penau, kay hom o Debleskro čavo, har nay penenna t'mer ap mande: Tou kreh, har te vess o Devel?

O Debleskro Drom 2021 (Sinte)

³⁶ Man hi o dadeskro wast. Un miro dad bitchras man ap kai phub. Me te penau, kai hom o Debleskro tchawo, har nai penenna tumer ap mande: Tu kreh, har te wess o Dewel?

Johanni 10:36 ပူးပေါင်းရင်းမြစ်များ

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Jesaja 42:1

O baro Devel penell: Ake, miro boudepaskro; les hi miro vast. Me rikrau les, oun rodom les mange vin, oun hom barhtelo pral leste. Miro dourho čivom ap leste, te anell lo miro čačepen pash i menshende an i tsele themma.

Jesaja 42:3

I an-phagedo shilftikro khass, phagell lo gar tele, oun i momeli hoy gomme i tikni yagah rhačell, koya krell lo gar vin. Čačepah, yob krell, te lell hakeno peskro čačepen.

Jesaja 55:4

Dikenn, me krom les, te vell lo ray oun pralstouno pral vavar themma, te sikrell yob lende, koon me hom.

Jeremia 1:5

Me prindjrom tout, glan te krom tout an tiri dakro per, oun rodom tout vin, glan te val boldo, te vess miro rakepaskro i menshenge dran i tsele themma.

Mateo 27:43

Yob patsas o Debles, oun penas: Me hom o Debleskro čavo. Te kamell o Devel les o djiyestar, mou vell lo, oun lell les kanna kava troushelestar tele!”

Mateo 27:54

Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Johanni 10:35

Kolentsa, kay o Devel rakras, ap kolende penas yob debla. Oun kova, hoy an o Debleskro lab činlo hi, nay vell gar krik lino.

Johanni 17:18

Me bičrau len pash i menshende, yaake har tou man pash i menshende bičral.

Johanni 17:21

Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Johanni 17:8

Hoy tou mange penal, penom me lenge doureder. Oun yon lan mire laba pre oun hayvan, kay me čačepah toutar vom. Oun yon patsan, kay tou man bičral.

Johanni 19:7

“Pal maro biboldengro čačepen hounte vell lo moulo dino,” penan i bibolde ap o Pilato. “Yob penas, kay hi lo o Debleskro čavo.”

Johanni 20:28

Koy penas o Thomas ap leste: “Miro ray oun miro Devel!”

Johanni 20:31

Kava vas činlo, te patsenn t'mer, kay o Yezous ko baro ray hi, kolestar o Devel penas, te vell yob. Yob hi o Debleskro čavo. Oun te patsenn ap leste, lenn t'mer o čačo djipen lestar.

Johanni 3:17

O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 3:34

Koles, kay o Devel pash mende bičras, kova rakrell o Debleskre laba. O Devel dell an leste peskro tselo Debleskro Dourho, oun rikrell či pale.

Johanni 5:30

Mandar nay krau me či. Me rakrau o čačepen vin, yaake har o Devel mange penella. Kova, hoy rakrau pral i mensheste vin, hi čačo. Me krau gar, hoy me kamau. Me krau halauter, hoy kova kamella, kay bičras man.”

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 6:38

Me vom gar dran o bolepen te krap kova, hoy me kamau. Me vom te krap, hoy kova kamella, kay bičras man.

Johanni 6:57

Yaake har o dad, kay bičras man, hi djido, oun das man o djipen, yaake dau me o djipen kolende, kay rhan miro mass.

Johanni 6:69

Mer patsah oun djinah, tou veh o Deblestar. O Devel bičras tout.”

Johanni 8:42

“Te vals o Devel t'maro dad”, penas o Yezous, “kamans man t'mer. Lestar vom me. Me vom gar mandar. Hi o Devel, kay bičras man.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Remarja 9:5

Lengre phoure hi o Abraham, o Isaak oun o Yakob. Ninna o Yezous Kristo vas i Israelitari, har vas lo boldo. Sharas o Debles pral kova lauter hako tsireske. Amen!

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.