Johanni 10:28 - O Debleskro Lab 2024 (Sinte-Manouche)

²⁸ Oun me dau len ko djipen, hoy gar pre-herella. Oun yon djan gar nashedo. Oun kek nay tserdell len dran miro vast vin.

O Debleskro Drom 2021 (Sinte)

²⁸ Un me dau len ko djipen, hoi gar pre-herella. Un jon djan gar nashedo. Un kek nai tserdell len dran miro wast win.

Johanni 10:28 ပူးပေါင်းရင်းမြစ်များ

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Debleskri gili 31:5

Tserde man dran koy netsa vin, hoy kran le, te perap dren. Tou hal o zorelo, kay ap miri rig hi.

Debleskri gili 37:28

O baro Devel kamell o čačepen oun moukell peskre menshen gar kokres. Hako tsiro dell yob yak ap lende. Kolla, kay kamenn o Deblestar či te djinell, merenna, ninna lengre čave oun kolengre čave.

Gosewe laba 24:16

Kova, kay an o čačepen tardo hi, nay perell efta kope, hako kopo stell lo pale pre. I čilače perenn an i bibarht.

Gosewe laba 4:18

O drom kolendar, kay o čačepen krenn, hi har o kham, hoy taysarlakro pre djal, oun o dives anell oun zorleder vell bis te hi lo pralstounes tardo.

Jesaja 27:3

Me, o baro Devel, dau ap leste yak, oun dau les pale te pale pani. Kek tsiro moukau les dran miro yak, yaake te nay krell les kek čomone.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jeremia 23:4

Oun me dau pralstunen pral lende, kay hi har lače bakrengre: Yon denn garda ap lende, te hounte darenn oun trashenn le bouder gar. Kek bakro djal bouder nashedo. Kova penell o baro Devel.

Jeremia 31:3

O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

Jeremia 31:34

Kek hounte penell ap o vavareste: Tou prindjress o baro Debles. Halauter djinenn, koon me hom, i tikne oun i bare. Kova penau me, o baro Devel. Me bistrau koy doosh, hoy le ap pende anan, oun lengro čilačepen vell bouder gar an miro shero.

Jeremia 32:40

Oun me krau lentsa vin, te moukap gar tele, te krap lenge lačepen, oun te dap len i dji, hoy ap mande shounell, oun moukell man gar. Kava lab, hoy lentsa vin krau, ačell hako tsireske.

Markus 13:22

Rhorhene morsha venna oun penenna ap t'mende: Me hom o Kristo. Oun i rhorhene rakepangre penenna: Me vom o Deblestar bičedo. Oun yon krenna baro oun zorelo koova, hoy i mensho nashte krell gar dran peskri zoor. Te djals kova, anans le kolen o Debleskro dromestar tele, kolen o Devel peske vin rodas.

Louka 23:46

Oun o Yezous das bari gole: “Miro dad, an tire vasta čivau me miro djipen!” Oun palle meras lo.

Johanni 10:29

Miro dad, kay das len mande, hi bareder har halauter. Oun kek nay tserdell len dran miro dadeskro vast vin.

Johanni 11:25

Penas o Yezous ap late: “Me hom kova, kay djangrau len pre dran o merepen oun dau len o djipen. Koon ap mande patsella, djivella, ninna te merell yob.

Johanni 14:19

An i tikno tsiro dikenn man i menshe ap kay phoub bouder gar. T'mer dikenn man. Me djivau. Doleske djivenn t'mer ninna.

Johanni 17:2

Tou dal les i zoor pral i tsele menshende, te dell yob lauteren, kay tou les dal, o djipen, hoy gar pre-herella.

Johanni 18:9

Kova penas o Yezous, te vell čačo, hoy yob glan-vi penas: “Tata, me nashrom kekes kolendar, kay tou man dal.”

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Johanni 4:14

Koon ko pani piyella, hoy me les dau, kova lell an peskro tselo djipen bouder kek troush. Ko pani, hoy me les dau, vell an leste i djido pani, hoy dell les o djipen, hoy gar pre-herella.”

Johanni 5:24

Čačepah, me penau t'menge: Koon miro lab shounella, oun patsell ap koleste, kay man bičras, koles hi ko djipen, hoy gar pre-herella. Pral leste vell kek phagi vi-rakedo. Yob moukas ko merepen pal peste, oun djas an o djipen.

Johanni 6:27

Ma djivenn o rhapaske, hoy paash djala! Djivenn yaake, te lenn ko djipen, hoy gar pre-herella! O Mensheskro Čavo kokres nay dell t'men kova. Yaake sikras o Devel, kay kova leskro čavo hi.”

Johanni 6:37

Halauter kolla, kay dell man o dad, venn pash mande. Oun halauter kolla, kay venn pash mande, kolen vitsrau me gar vin.

Johanni 6:47

Čačepah, me penau t'menge: Koon ap mande patsella, koles hi o djipen, hoy gar pre-herella.

Johanni 6:68

“Ray, pash koneste djas mer?” penas o Simon Petro. “Tout hi laba, kay denn men o djipen, hoy gar pre-herella.

Bičepangre 7:59

Har yon ap leste i barrentsa vitsran, das o Stefano gole: “Ray Yezous, le man pash toute!”

Remarja 5:17

Yaake har ko yek morsh, o Adam, i čilačo koova kras, oun o merepen anas ap i tsele menshende, yaake anas ninna yek mensho, o Yezous Kristo, o Debleskro djipen. Ko djipen len kolla, kolen o Devel dran peskro baro lačepen čačo kras glan leste.

Remarja 5:2

O Yezous Kristo anas men ap o Debleskro drom oun kras menge o voudar pre, te djivas o Debleha khetne. Yaake lačo his lo menge. Oun mer djinah: O dives vella, kay djivah leha khetne an leskro raylepen. Pral kova ham barhtelo.

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

Remarja 5:9

Leskro rateha kras lo men čačo glan o Debleste. Doleske nay djinah zoreles: O Debleskri rholi vell bouder gar ap mende. O Yezous Kristo kras lauter mishto.

Remarja 6:23

Kova, kay krell o čilačepen, lell peskri phagi. Koy phagi hi o merepen. Kova, kay patsell ap o Yezous Kristeste, maro rayeste, koles dell o Devel čičeske o djipen, hoy gar pre-herella.

Remarja 8:1

Yaake djal kek nashedo, kay djivell o Yezous Kristeha khetne.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

2. Tessalonikarja 2:13

Mire phrala, mer hounte parkras men t'menge pash o Debleste hako tsiro. Maro ray Yezous kamell t'men o djiyestar. Glan i rah tsiro, har o Devel kras o bolepen oun i phoub, rodas lo t'men vin, te djivenn leha khetne an leskro raylepen. Har patsan t'mer leskro čačo lab, das lo peskro Dourho an t'mende. Oun kova krell, te djivenn t'mer i djoudjo djipen glan leste.

1. Timoteo 1:16

Me krom bareder čilačepen har hako vavar. Oun ninna man las o Devel dran miro čilačo djipen vin, te nay sikrell o Yezous Kristo ap mande, har boud yob i menshen kamella, yaake, te patsenn i menshe ap leste, oun lenna ko djipen, hoy gar pre-herella.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

Hebrearja 7:25

Doleske nay krell lo, te djal kek kolendar nashedo, koon yob pash o Debleste anas. Yob djivell hako tsireske, oun mangell o Debles lenge.

1. Petro 1:5

kay patsenn ap leste. O Devel rikrell t'men an peskro zorelo vast, bis te vell ko dives, kay lell t'men o Yezous Kristo dran i tseli bibarht vin. Palle dikenn t'mer har shoukar kova hi, hoy les t'menge hi.

1. Johanni 1:2

Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 2:19

Kolla van mendar. Yon his gar čačepah mendar. Te vans yon mendar, ačans le pash mende. Oun har yon penge djan, nay dikas hakeno, te his le gar mendar.

1. Johanni 2:25

Oun t'mer lenn ko djipen, hoy gar pre-herella. Kova penas o Yezous Kristo menge.

1. Johanni 5:11

O Devel penas čačepah, te dell lo men ko djipen, hoy gar pre-herella. Oun ko djipen hi an peskro čaveste.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.