Johanni 10:24 - O Debleskro Lab 2024 (Sinte-Manouche)

²⁴ Koy van i pralstoune bibolde troul leste oun penan: “Har rah kameh tou menge gar te penell, koon tou hal? Tou te hal ko baro ray, kolestar o Devel penas, te vell yob, yaake pen menge kova an o mouy!”

O Debleskro Drom 2021 (Sinte)

²⁴ Koi wan i pralstune bibolde trul leste un penan: “Har rah kameh tu menge gar te penell, koon tu hal? Tu te hal ko baro rai, kolestar o Dewel penas, te well job, jaake pen menge kowa an o mui!”

Johanni 10:24 ပူးပေါင်းရင်းမြစ်များ

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

Mateo 11:3

oun moukas lestar te poučell: “Hal tou kova, kay hounte vell? Hounte dikas mer ap i vavareste, te vell lo?”

Markus 8:32

Oun kova lauter penas lo lenge, oun rikras či pale. Koy las les o Petro ap i rig, oun čingras ap leste.

Louka 3:15

I menshe dikan, kay o Devel o Yohannes bičras, oun yon poučan pendar: “Hi yob ko baro ray, kolestar o Devel glan i rah tsiro penas, te vell yob?”

Johanni 1:19

Har bičran i pralstoune bibolde dran o foro Yerusalem i rashayen oun i Levitaryen pash o Yohanneste, te poučenn le lestar: “Koon hal tou?” penas yob glan i tsele menshende, kay kote tardo hi: “Čačepah, me hom gar o Kristo.”

Johanni 10:31

Koy hadan kol bibolde pale barra pre, te denn le les kol barrentsa moulo.

Johanni 10:33

Penan kol bibolde ap leste: “Ko lačo koova, hoy tou kral, koleske kamah mer tout gar moulo te dell. Tou anal ladj ap o Debleste. Tou hal i mensho oun kreh, har te vals o Devel. Doleske kamah tout te marell.”

Johanni 16:25

Kova penom me t'menge gar an o mouy. O dives vella, kay me rikrau bouder či pale. Palle rakrau t'mentsa miro dadestar yaake, kay hayvenna halauter.

Johanni 8:25

“Pen menge, koon tou hal!” penan yon ap leste. Penas o Yezous: “Me penom t'menge kova yaake boud kope.

Johanni 8:53

Hal tou boudeder har maro dad Abraham, kay meras? Oun kol Debleskre rakepangre meran ninna. Hal tou feteder har yon?”

Johanni 9:22

Len his daar kol pralstoune biboldendar. Doleske rakran yon yaake. I pralstoune bibolde kaman hakenes pale-čiddo te krell, kay penella o Yezousestar: Yob hi o baro ray, kolestar o Devel penas, te vell yob.

2. Korintarja 3:12

Mer djinah zoreles, te hi kova yaake. Doleske hi men kek traash, te penas kova yaake i menshenge.