Johanni 1:51 - O Debleskro Lab 2024 (Sinte-Manouche)

⁵¹ Kova hi čačo, hoy me t'menge penau: T'mer dikenn har o bolepen pre djala. Oun o Debleskre bolepangre djan pral oun venn pale tele ap o Menshengro Čaveste.”

O Debleskro Drom 2021 (Sinte)

⁵¹ Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre djan pral un wenn pale tele ap o Menshengro Tchaweste.”

Johanni 1:51 ပူးပေါင်းရင်းမြစ်များ

1. Mose 28:12

Koy das lo souni: Yob dikas i treppa ap i phoub tardo. Koya djas bis an o bolepen. Oun o Debleskre bolepangre djan pre oun tele.

Ezekiel 1:1

An o 30. (triin-deshto) bersh djivom khetne vavar menshentsa, kay pandles krik anlo van, pash ko lengsto pani, hoy kharell Kebar. An o starto čon ap o pančto dives an ko bersh djas o bolepen pre, oun o baro Devel sikras pes mande.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 26:24

O Mensheskro Čavo hounte merella, yaake har hi lestar činlo an o Debleskro lab. Havi bibarht vell ap koleste, kay ap leste phoukrella! Koleske vals feteder, te vals lo gar boldo.”

Mateo 3:16

oun taufras o Yezouses. Har o Yezous dran o pani pral djas, djas o bolepen pre. Oun yob dikas o Debleskro Dourho har i parno čirklo ap peste tele te vell.

Mateo 4:11

Koy djas peske o beng. Oun bolepangre van pash o Yezouseste, oun his leske koy.

Mateo 8:20

Penas o Yezous ap leste: “I divye djouklen hi i čiben an i phoub, kay sovenn le. Oun i čirklen hi tikne khera ap i rouka. Me, o Mensheskro Čavo, man hi či, kay nay čivap man tele, te sovap.”

Mateo 9:6

Me kamau, te djinenn t'mer, o Menshengro Čaves hi koy zoor ap i phoub, te nay lell lo i doosh i menshendar.” Doleske penas yob ap ko morsheste, kay nay nashell gar: “Ste pre, le tiro čiben oun dja khere!”

Markus 1:10

Oun har o Yezous pes dran o pani hadas, dikas lo, kay djas o bolepen pre, oun o Debleskro Dourho vas har i parno čirklo ap leste tele.

Markus 14:62

“Me hom kova,” penas o Yezous, “oun ko dives vella, kay dikenn t'mer o Menshengro Čaves, har hi lo beshdo ap i čači rig o zorelo Deblestar, oun har vell lo an i volke dran o bolepen.”

Louka 2:13

Ap yek kopo his pash ko bolepaskro boud vavar bolepangre. Oun yon sharan o Debles, oun penan:

Louka 2:9

Ap yek kopo his glan lende o Debleskro bolepaskro tardo. Oun o Debleskro raylepen his troul lende. Oun i bari daar vas ap lende.

Louka 22:43

Oun i Debleskro bolepaskro vas pash leste dran o bolepen oun das les zoor.

Louka 22:69

Ko tsiro vell sik, kay me, o Mensheskro Čavo, hom beshdo ap i čači rig o zorelo Deblestar.”

Louka 24:4

Har yon koy tardo his, oun djinan gar, hoy te krenn le, his kote ap yek kopo douy morsha tardo. Oun lengre ripya his rayles biyalo.

Louka 3:21

Ap ko tsiro, kay taufras o Yohanni kol tsele menshen, vas ninna o Yezous pash leste, oun moukas pes lestar te taufrell. Oun har o Yezous o Debles an-mangas, djas o bolepen pre.

Johanni 1:50

Penas o Yezous ap leste: “Me penom touke: Me dikom tout tel ko rouk. Doleske patseh tou. Tou dikeh bareder koova, har kava.

Johanni 10:1

“Čačepah, me penau t'menge: Koon gar an o voudar dren djala, te vell lo pash i bakrende, oun vell vavarčandes dren, kova hi i čorepaskro oun i dre-phagepaskro.

Johanni 10:7

Doleske penas o Yezous pale ap lende: “Čačepah, me penau t'menge: Me hom o voudar i bakrenge.

Johanni 13:16

Čačepah, me penau t'menge: I boudepaskro hi gar bareder har leskro ray. Oun yek, kay vas bičedo, hi gar bareder har kova, kay les bičras.

Johanni 13:38

“Tou kameh mange te merell?” poučas o Yezous lestar. “Čačepah, me penau touke: O bashno dell gar gole yaake rah, har tou man gar triin kope bourhoste dal.”

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Johanni 16:20

Čačepah, me penau t'menge: Vell i tsiro, kay t'mer rovenna, oun denn i vasta pral o shero khetne. Oun i menshe, kay gar ap mande patsenna, hi barhtelo. Ninna te rovell t'maro dji ap ko dives, djinenn: T'maro ropen vell t'mendar krik lino, oun t'mer venna barhtelo.

Johanni 16:23

Ap ko dives, poučenn t'mer mandar či. Čačepah, me penau t'menge: Te mangenn t'mer miro dadestar čomone an miro lab, kova dell yob t'men.

Johanni 21:18

Čačepah, me penau touke: Har tou terno hals, pandal tou tiri dori kokres troul tiro ripen, oun djal kote, kay tou kamal. Te val tou phouro, rikreh tou tire vasta glan toute, oun i vavar pandell tire vasta khetne, oun anell tout kote, kay tou gar kameh te djal.”

Johanni 3:3

Penas o Yezous ap leste: “Čačepah, me penau touke: Kova, kay vell gar o Deblestar neves boldo, nay djivell gar leha khetne.”

Johanni 3:5

Penas o Yezous ap leste: “Čačepah, me penau touke: Te vell yek gar neves boldo dran o pani oun dran o Debleskro Dourho, nay djivell lo gar khetne o Debleha.

Johanni 5:19

O Yezous penas ap lende: “Čačepah, me penau t'menge: O čavo nay krell či pestar. Yob dikell, hoy o dad krella. Oun kova, hoy krell o dad, kova krell ninna o čavo.

Johanni 5:27

Yob hi o Mensheskro Čavo. Oun o Devel das an leskro vast, te rakrell lo i phagi vin pral i menshende.

Johanni 6:26

Penas o Yezous: “Čačepah, me penau t'menge: T'mer rodan man gar doleske, kay dikan i baro koova, hoy krom an o Debleskri zoor. T'mer rhan ko maro, oun van čalo. Doleske rodenn t'mer man.

Johanni 6:32

Penas o Yezous: “Čačepah, me penau t'menge: Hi gar o Mose, kay das t'men o maro dran o bolepen. Kova hi miro dad, kay dell t'men ko čačo maro dran o bolepen.

Johanni 6:47

Čačepah, me penau t'menge: Koon ap mande patsella, koles hi o djipen, hoy gar pre-herella.

Johanni 6:53

Koy penas o Yezous ap lende: “Čačepah, me penau t'menge: Te rhan t'mer gar o Menshengro Čaveskro mass, oun piyenn gar leskro rat, hi t'men gar o djipen, hoy gar pre-herella.

Johanni 8:34

Penas o Yezous: “Čačepah, me penau t'menge: Koon o čilačepen krella, hi pandlo ap o čilačepen.

Johanni 8:51

Čačepah, me penau t'menge: Te hi yek koy, kay krella, hoy me penom, kova merell bouder gar.”

Johanni 8:58

Penas o Yezous ap lende: “Čačepah, me penau t'menge: O Abraham his gomme gar boldo, koy homs me koy.”

Bičepangre 10:11

Yob dikas, har o bolepen pre djas oun čomone pral tele vas ap i phoub. Kova his har i bari plarhta. Koya vas ap hake star rigya rikedo.

Bičepangre 7:56

Oun o Stefano penas: “Me dikau o bolepen pre, oun o Menshengro Čaves ap i čači rig o Deblestar tardo.”

2. Tessalonikarja 1:7

T'mer, kay venn kanna palla lino, t'men dell lo i bari barht. Kova dell lo t'men mentsa khetne ap ko dives, kay vell maro ray Yezous pale dran o bolepen, oun lauter dikenn les. Leskre zorele bolepangre venn leha,

2. Tessalonikarja 1:9

Kolla lenn i phagi: Yon djan hako tsireske nashedo, oun nay venn bouder gar pash o Debleste, oun dikenna gar leskro baro raylepen

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Judas 1:14

Glan i rah tsiro penas pral lende o Henok, kova his o eftato dad pal o Adam: Dikenn, o Devel, maro ray, vell dran o bolepen. Oun boud zerya bolepangre hi pash leste.

Debleskro tsiro 19:11

Oun me dikom, har o bolepen pre hi. Oun kote his i parno gray. Oun kova, kay pre beshdo hi, kharella: Morsh labestar, kay rakrell o čačepen. Yob te dell i menshen i phagi oun kourell pes kolentsa, kay čilače hi, djal yob pal o čačepen.

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”