Johanni 1:45 - O Debleskro Lab 2024 (Sinte-Manouche)

⁴⁵ O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

O Debleskro Drom 2021 (Sinte)

⁴⁵ O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 1:45 ပူးပေါင်းရင်းမြစ်များ

1. Mose 22:18

Tou kral, hoy me touke penom. Doleske djal koy barht, hoy dau tire menshende, doureder ap i tsele natsyone, kay ap i phoub hi.”

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Zakarie 6:12

Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 10:3

o Filipo, oun o Bartolomeo, o Thomas oun o Mateo, kay i biboldendar love i Remaryenge dren las, oun o Yakobo, – koleskro dad his o Alfeo, oun o Tadeo,

Mateo 13:55

Hi kova gar o čavo kolestar, kay boudrell i kashtentsa. Hi leskri day gar i Maria? Oun hi o Yakobo, o Yosef, o Simon, oun o Youdas gar leskre phrala?

Mateo 2:23

Oun kote djivas lo an i foro, hoy kharella Nazaret. Oun yaake vas kova čačo, hoy o Debleskre rakepangre glan i rah tsiro penan: Yon denn les Nazaretari gole.

Mateo 21:11

Oun kol boud menshe, kay leha djan, penan lenge: “Kava hi o Debleskro rakepaskro, o Yezous, kay vas dran o foro Nazaret, hoy an o them Galilea čiddo hi.”

Markus 14:67

Oun har dikas li o Petres, har tatsras pes lo pash i yag, dikas li ap leste, oun penas: “Tou hals ninna o Yezouseha dran Nazaret khetne!”

Markus 6:3

“Hi kova gar ko morsh, kay boudrell i kashtentsa? Hi leskri day gar i Maria? Hi leskre phrala gar o Yakobo, o Yosef, o Simon, oun o Youdas? Oun ninna leskre phenya djivenn pash mende.” Oun yon rhoyran pen pral leste.

Louka 18:37

Koy penan le: “O Yezous dran Nazaret djal kote.”

Louka 2:4

Oun o Yosef djas peskri pirnyah, i Maria, dran o foro Nazaret, hoy an o them Galilea čiddo hi. Oun yon djan an o foro Betlehem an o them Youdea, te moukenn le kote pengre laba pre te činell. An ko foro his o baro ray David glan i rah tsiro boldo. Oun o Yosef his o Davideskre menshendar. I Maria his ap ko tsiro an vavar koova.

Louka 2:48

Oun har leskro dad oun leskri day les kote dikan, ačas lenge o rakepen krik. Oun leskri day penas ap leste: “Čava, hoske kreh tou mentsa savo koova? Me oun tiro dad, har rodam tout, hams i daryatar moulo.”

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Louka 24:44

Oun yob penas: “Har me pash t'mende homs, penom me ap t'mende: Halauter hounte vell čačo, hoy o Mose činas, oun hoy o Debleskre rakepangre pral mande penan, oun hoy an o Debleskre gilya činlo hi.”

Louka 3:23

O Yezous nay his yaake triyanda bersha phouro, har yob i menshenge o Debleskro lab penas. I menshe patsan, kay o Yosef leskro dad hi. O Yosefeskro dad his o Eli.

Louka 4:22

Lauter rakran lestar mishto, oun leskro rakepen his lenge pherdo lačepen. Oun yon kran bare yaka. Oun yon penan: “Hi kava gar o Yosefeskro čavo?”

Johanni 1:44

O Filipo his dran o foro Betsayda. Ninna o Andreas oun o Petro his dran ko foro.

Johanni 12:21

Kolla van pash o Filipo, kay dran o gab Betsayda an o them Galilea his. Oun penan ap leste: “Ray, mer kamah o Yezouses te dikell.”

Johanni 14:8

“Ray,” penas o Filipo ap leste, “sike mende o dades! Kova hi menge doha.”

Johanni 18:5

“O Yezouses dran Nazaret,” penan yon ap leste. “Me hom kova!” penas o Yezous. O Youdas, ko phoukepaskro, his pash lende tardo.

Johanni 18:7

Pale poučas o Yezous lendar: “Kones rodenn t'mer?” “O Yezouses dran Nazaret,” penan yon.

Johanni 19:19

O Pilato činas ap i kotar kasht: O Yezous dran Nazaret, o baro ray pral i biboldende. Ko kotar kasht vas pral ap o troushel dino.

Johanni 21:2

O Simon Petro oun o Thomas, kova, kay dan le les Didimo gole, oun o Natanael dran o gab Kana an o them Galilea, oun kol Zebedeskre čave oun vavar douy o Yezouseskre malendar his koy khetne.

Johanni 6:42

“Hi kova gar o Yezous, ko Yosefeskro čavo?” penan yon. “Mer prindjrah leskro dades oun leskri da. Har nay penell lo: Me vom dran o bolepen?”

Johanni 6:5

Har o Yezous dikas, kay boud boud menshe leske palla djan, poučas lo o Filipestar: “Kay nay ginah mer yaake boud mare, te vell i tsele menshen rhapaske?”

Johanni 6:7

O Filipo penas: “Ninna te vals men douy-sheel roupene beme, vals kova gar doha, te lell hakeno i tikno kotar maro.”

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.

Bičepangre 22:8

Me penom: Koon hal tou, mo ray? Oun yob penas ap mande: Me hom o Yezous dran Nazaret, koles tou palla leh.

Bičepangre 26:9

His i tsiro, kay kamom me ninna miri tseli zoryah kava nevo patsepen ap o Yezouseste dran Nazaret paash te krell.

Bičepangre 3:6

O Petro penas: “Rup oun sonakay hi man gar. Hoy man hi, dau me tout. An o lab o Yezous Kristestar dran Nazaret penau me touke: Ste pre oun dja trouyel!”