Joel 2:12 - O Debleskro Lab 2024 (Sinte-Manouche)

¹² “Ninna kanna”, penell o baro Devel, “nay moukenn t'maro čilačo drom oun venn pash mande. Avenn t'maro tselo djiyeha, rhan či oun rovenn, denn gole i bibarhtyatar!

O Debleskro Drom 2021 (Sinte)

¹² “Ninna kanna”, penell o baro Dewel, “nai mukenn tumaro tchilatcho drom un wenn pash mande. Awenn tumaro tselo djijeha, chan tchi un rowenn, denn gole i bibachtjatar!

Joel 2:12 ပူးပေါင်းရင်းမြစ်များ

2. Samuel 24:10

Oun o Davideskro dji djas sikeder har yob kol tsele morshen an i liil pre-činas. Oun o David penas ap o baro Debleste: “Kova his i bari doosh, hoy anom ap mande. Me krom i čilačo koova. Oun kanna mangau tout, baro Devel, le mange koy doosh krik!”

2. Familjakro liil 30:6

Oun o baro ray oun i pralstoune dan i bičepangren i lila an o vast. Oun kolla nashan an o tselo them Israel oun Youda, oun dan vin gole yaake har o baro ray lenge penas: “T'mer Israelitarya, kay pral ačan oun vin lino van dran i vasta kol bare rayendar pral o them Assour, avenn pale pash o baro Debleste, ko Devel t'mare phourendar, o Abraham, o Isaak oun o Israel! Palle vell yob pale pash t'mende.

2. Familjakro liil 6:27

palle shoun tou an o bolepen, oun le ko tselo čilačepen krik, hoy yon oun lengre raya kran. Sike lenge tiro lačo drom, te nay nashenn le ap leste! Oun palle de len pale o brishin ap ko them, hoy tou lenge dal, te vell lo lengro.

Ester 4:16

“Dja koy oun de i tsele bibolden an o foro Susa khetne gole! Rhan oun piyenn triin divessa či, gar ap o dives, vitar gar an i rati. Krenn kova mange, te dikell o Devel lačes ap mande! Oun me oun kol djouvya, kay mange boudrenn, mer kamah kova ninna yaake te krell. Oun pal kova kamau pash o baro rayeste dren te djal, ninna te hi khatar o činlo lab. Oun te denn le man moulo, palle denn le man moulo.”

2. Mose 33:5

Yaake kran le, hoy o baro Devel o Moseske penas. Leske penas lo: “Pen ap i Israelitarya: T'mer djivenn pal t'maro shero oun kamenn gar te shounell. Te voms me t'mentsa i tikno tsiro ap o drom, doms me t'men moulo. Čivenn kanna t'maro sonakay oun roup tele! Pal kova kamau me dikell, hoy t'mentsa krau.”

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 58:4

Ap ko dives, kay rhan mange či, čingrenn t'men oun kourenn t'men, oun denn i čilačo vasteha dren. An kava tsiro, kay rhan mange či oun krenn savo čilačo koova, nay venn t'mer gar shounlo an o bolepen.

Jeremia 3:22

Avenn pale pale, t'mer kay djan t'menge mandar! Oun me kamau lauter bistrell, hoy kran. Dik, mer vah pash toute. Tou hal o baro Devel, maro ray.

Jeremia 36:7

Nay vell, te moukenn le pengro čilačo drom oun mangenn pen tele glan o baro Debleste oun venn pale ap leskro drom. Palle nay rikrell o baro Devel peskri bari rholi pale, hoy les ap kal menshende hi, oun hounte dell len gar koy phari phagi, kolah lo len trad das.

Jeremia 4:1

O baro Devel penell: T'mer Israelitarya, te kamenn t'maro čilačo drom te moukell, palle avenn pash mande! Te lenn t'mer kol djoungele deblen glan mire yaka krik, hounte nashenn bouder gar yek rigyatar ap i vavar.

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Hosea 12:6

yob, o ray pral o bolepen oun i phoub, leskro lab hi baro Devel.

Hosea 12:7

T'mer Israelitarya, avenn pale pash t'maro Debleste! Krenn, hoy lačo oun čačo hi! Hako tsiro rikrenn t'men ap t'maro Debleste!

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Hosea 6:1

Avenn, te djas pale pash o baro Debleste! Yob doukas men, oun yob krell men pale sasto. Yob das men dava, oun yob pandell men pale khetne.

Joel 1:13

T'mer rashaya, kay han tardo pash o Debleskri rhačepaskri, rivenn t'men an gone, oun denn gole i bibarhtyatar! Ninna ratsyake rivenn ko gono gar vin, t'mer, kay boudrenn miro Debleske! Hi kek djob koy oun kek mool, hoy nay anans t'maro Debleske an leskro kheer.

Zakarie 7:5

“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!

Maleachi 1:9

Kanna nay mangenn lestar, t'mer rashaya, – yaake boud har kamenn, te vell lo menge lačes! Hoy djal an t'maro shero glan? Sau koova kran, oun t'mer patsenn, te vell lo t'menge lačes! Na-a, penell o baro Devel, ko ray pral o bolepen oun i phoub.

Bičepangre 26:20

Me djom an o foro Damaskus, oun palle an ko foro Yerusalem. Oun i tsiro koy pre djom an ko them Youdea. Oun pal kova djom pash kolende, kay kek bibolde hi, oun penom lauterenge, te moukenn le pengro čilačo drom, oun te djan le ap o Debleskro drom, oun te djivenn le yaake, kay i vavar dikenna, kay yon pengro phouro djipen moukan.

Čačepangre 2:4

Oun har o baro Debleskro bolepaskro kova lauter ap i Israelitarya penas, koy rovan le zoreles.

Čačepangre 20:26

Pale djan i tsele lourde dran Israel pre an o foro Betel, oun rovan oun dan gole glan o baro Debleste. Oun rhan či oun piyan či ko tselo dives bis i rat vas. Oun yon rhačran firhen o baro Debleske, save kay van tseles rhačedo oun save, kay rhan le khetne glan o baro Debleste.

1. Samuel 7:3

Kote penas o Samuel ap lende: “Te kamenn t'mer t'maro tselo djiyeha pale ap o baro Debleskro drom te djal, palle čivenn i rhorhene deblen t'mendar krik, ninna i debletsa Astarte! Patsenn ap o baro Debleste, oun mangenn les kokres an oun kek vavares! Palle lell yob t'men vin dran i vasta i Filistarendar.”

1. Samuel 7:6

Oun yon van khetne an Mispa. Kote lan le pani, oun čoran les glan o baro Debleste vin. Oun ap ko dives rhan le či, te dikell o baro Devel ap lende. Oun yon penan: “Mer anam doosh ap mende glan o baro Debleste.” Oun kote an Mispa vas o Samuel lengro čačepaskro ray.