Jesaja 9:20 - O Debleskro Lab 2024 (Sinte-Manouche)

²⁰ I menshe dran o kheer Manasse perenn ap kolende dran o kheer Efrayim, oun kolla dran Efrayim ap kolende dran Manasse. Oun kol douy khetne djan ap i menshende dran Youda. Oun pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

O Debleskro Drom 2021 (Sinte)

²⁰ I menshe dran o kheer Manasse perenn ap kolende dran o kheer Efrajim, un kolla dran Efrajim ap kolende dran Manasse. Un kol dui khetne djan ap i menshende dran Juda. Un pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jesaja 9:20 ပူးပေါင်းရင်းမြစ်များ

Sikepaskro 4:5

Koon kamell gar te boudrell, čivell peskre vasta glan peskri beč khetne. Yob hi dinelo oun leske ačell či te rhal.

Jesaja 10:4

Te han gar mank kolende, kay moulo dino van, ačell t'menge či pral, har te čivenn t'men glan tele kolentsa, kay pandle van. Oun pral kova lauter moukell o Debleskri rholi t'mendar gar tele, oun leskro vast ačell pre hadedo, te dell lo t'men i phagi.

Jesaja 14:30

I čorvelen mire menshendar hi doha te rhal. Oun kolen, kay či hi, nay čivenn pen tele kek daryah. T'men, Filistarya, moukau i bokatar te merell. Oun hoy t'mendar pral ačell, dau moulo.

Jesaja 3:1

O baro Devel, ko ray pral o bolepen oun i phoub, lell dran o foro Yerusalem oun dran o them Youda lauter krik, ap koleste i menshe pen rikran oun hoy len zoor das. O tselo maro oun o tselo pani lell lo lendar krik.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Jesaja 51:19

Kal douy koova van ap toute: Tiro them vas paash dino oun tire forya tele-phagedo. Boud tire menshendar meran i bokatar oun an o kourepen. Oun kek hi koy, te rovell lo touha, te penell lo touke lače laba.

Jesaja 8:21

Oun yon djan an o them trouyel, phares dino oun bari bokah. Oun palle, te hi len bari bok, taprell len i rholi, oun yon praasenn pengro themeskro rayes oun pengro debles. Oun yon dikenn pre an o bolepen

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jeremia 13:14

Yaake har kol khore phagenn, te venn le khetne dino, yaake krau, te phagell yek ap o vavareste, ninna i dada ap lengre čavende. Yon khaytenn man gar, oun i dji hi man vitar gar lenge, oun rikrau man gar pale, te marap len lauter. Kova penell o baro Devel.

Jeremia 19:9

Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Ropaskre gilja 4:10

I bibarht, hoy vas ap mire menshende, vas yaake baro, te keran i djouvya pengre čaven, – kol djouvya, kolengro dji pherdo kamlepen his – te nay vas len čomone te rhal.

Micha 6:14

Te rhan t'mer čomone, venn gar čalo. Oun kova, hoy t'mer t'menge ap i rig čivenn, nay rikrenn gar. Kova, hoy t'menge ačas, krau paash an o kourepen.

Zakarie 11:9

Doleske penom: “Kamau bouder gar te ačap i bakrengro t'menge. Kol bakre, kay merenna, mou merenn! Kolla, kay nashrenn pen, mou nashrenn le pen! Oun kolla, kay djido ačenn, mou rhan le yek o vavares!”

Markus 3:24

Te kourenn pen i bare raya an yek them, palle djal ko them paash.