Jesaja 9:19 - O Debleskro Lab 2024 (Sinte-Manouche)

¹⁹ Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

O Debleskro Drom 2021 (Sinte)

¹⁹ Un lengri bok hi jaake baro, te taprenn le pal chapen ap hake rigja, un chan hako tikno kotar, un wenn gar tchalo. Hakeno krell o djipen o wawarestar paash.

Jesaja 9:19 ပူးပေါင်းရင်းမြစ်များ

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 13:13

Me moukau o bolepen te trissell. Oun i phoub ačell bouder gar kote tardo, kay li kanna hi, ap ko dives, kay me, o baro Devel, o ray pral o bolepen oun i phoub, anau miri rholi pral i phoub.

Jesaja 13:18

I terne morshen denn le karye moulo pengre bogentsa. Oun len hi kek dji i tikne čavenge; i čave khaytenn len gar.

Jesaja 13:9

Kanna vell lo, ko dives, kay o baro Debleskri rholi vell! Djungeles hi ko dives, pherdi rholyah. An leskri bari rholi krell o baro Devel i phoub paash, oun tradell i čilačen latar vin.

Jesaja 24:6

Doleske rhal i bibarht i tseli phoub pre. Oun kolla, kay koy djivenn, lenn pengri phagi. Boud oun boudeder merenn. Oun gar boud ačenn djido.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Jesaja 4:4

Kova vella, te thovell o Devel i čik tele i menshendar, kay djivenn an Sion, oun lell koy phari doosh krik dran Yerusalem. Te krell lo kova, hi kova har i yag, hoy rhačell ko tselo djoungelo koova krik.

Jesaja 42:25

Kote moukas lo peskri bari rholi pral mende te vell, oun moukas men an i zorelo kourepen te vell. Leskri rholi his troul mende trouyel har i yag, oun mer hayvam kova gar. Ninna har rhačras men leskri rholi, lam kova gar an mare djia.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 60:2

Dik, kalepen čakrell i phoub oun tamlepen i vavar themma, pral toute stell o baro Devel pre, oun leskro raylepen moukell pes pral toute te dikell.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Joel 2:3

Glan lende djal i yag oun pal lende rhačell i phoub. Glan ko tsiro, kay venn le, hi o them har o Debleskri baar Eden, oun te djan le pral vergel, ačell i divyo paash them. Kek nay nashell lendar krik.

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Amos 5:18

Djungeles djal kolenge, kay penenn: O baro Debleskro dives te vell sik! Hoy patsenn t'mer, hoy palle vell? Ko dives anell t'menge kali rat oun kek momeli!

Obadja 1:18

Oun i menshe dran i khera Youda oun Israel venn har i yag. Oun o kheer Edom hi o phouss, hoy vell pre rhačedo, bis te či o kherestar Esau pral ačas. Kova penell o baro Devel.

Micha 7:2

Kek, kay o Debleskro drom djal, hi bouder an kava them. Kek dell mank i menshende, kay an o čačepen tardo hi. Yek rodell, har te marell lo o vavares. Oun hakeno lell o vavares palla, te taprell lo les.

Micha 7:6

An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

Zakarie 11:6

O baro Devel penell: “Kanna khaytenn man bouder gar i menshe an kava them. Me moukau i menshen te perell yek an o vast o vavarestar, oun dau len ninna lengre pralstunenge an i vasta. Kolla denn o them paash, oun me lau len gar vin dran lengre vasta.”

Zakarie 11:9

Doleske penom: “Kamau bouder gar te ačap i bakrengro t'menge. Kol bakre, kay merenna, mou merenn! Kolla, kay nashrenn pen, mou nashrenn le pen! Oun kolla, kay djido ačenn, mou rhan le yek o vavares!”

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

Bičepangre 2:20

O kham vell kalo, oun o čon vell lolo har o rat. Koy djinenn t'mer, te vell ko baro dives sik, kay vell o ray Yezous pale.

2. Petro 2:4

O Debleskri rholi vas ninna pral kol bolepangre, kay kran o čilačepen. O Devel vitsras len an o telstunepen. Kote hi le pandlo an i kali rat, bis te vell ko dives, kay dell lo len lengri phagi.