Jesaja 8:8 - O Debleskro Lab 2024 (Sinte-Manouche)

⁸ Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

O Debleskro Drom 2021 (Sinte)

⁸ Un jon wenna an o them Juda dren, har pani hoi dren phagell, un hoi bis pash i meen pre djal. O Dewel hi pash mende! Leskre mussja hi pral mende jaake dur har o them buchlo hi.

Jesaja 8:8 ပူးပေါင်းရင်းမြစ်များ

2. Rajengro liil 17:3

Oun o baro ray pral o them Assour, o Salmanassar, vas peskre lourdentsa pral leste. Oun i Israelitarya van dino. Oun o Hoshea hounte das leske hako bersh roup oun sonakay.

2. Familjakro liil 12:4

Oun yob las kol tsele zorele forya dren, kay an o them Youda his, oun vas bis glan o foro Yerusalem.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jesaja 30:28

Oun leskro dourho hi yaake zorelo har i pani, hoy zoryah nashell, oun hoy i mensheske bis pash i meen djala. Yob lell i natsyone oun vitsrell len trouyel, oun trissell len, bis te gar boud lendar pral ačenn. Oun yob čivell saster an lengre mouya, har te vans le graya, oun tradell len koleha kate te kote.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 7:14

Doleske dell o baro Devel kanna kokres i sikepen, te sikrell lo, kay hi lo ap t'mari rig: I terni čay vell vavarčandes oun lell i morsh čaves. Oun koles dell li o lab Immanuel.

Jesaja 7:17

Oun pral toute oun tire menshende oun i menshende an tiro them anell o baro Devel save divessa, har yon gar van, yaake rah har dran o them Israel douy themma van: o Israel oun o Youda. Kol divessa venna o baro rayeha pral o them Assour.”

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.

Jeremia 47:2

Kava penell o baro Devel: Dik, panya venna koy rigyatar, kay norden hi. Oun kolla venna i divyo zorelo lengsto pani, hoy čakrell kava tselo them tel peste, oun halauter hoy koy dren hi, i forya oun kol menshen, kay kote djivenna. Oun i menshe an kava them denn gole oun rovenna.

Jeremia 48:40

Kava penell o baro Devel: Dikenn, kova, kay marell o Moab, vell sik har i adlari, oun krell peskre moussya bourhles pral o them.

Jeremia 51:42

I baro pani vas pral o foro Babilon, zorele panya čakran o foro tel pende.

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Ezekiel 26:19

Kava penell o baro Devel, maro ray: Me krau, te vess tou i moulo foro har kol forya, kay bouder kek djivell. Me moukau boud pani pral toute te vell, te djas tele.

Daniel 11:10

Oun leskre čave djan an o kourepen, oun anenn boud boud lourden khetne. Oun yek lendar vell har i zorelo pani pral o them, oun djal kava kopo glan bis pash o zorelo foro o vavar baro rayestar.

Micha 1:9

O doukepen o forestar Samaria nay vell gar sasto. Koy bibarht vell ninna an o them Youda, oun taprell o foro Yerusalem, ko foro mire menshendar.

Micha 5:5

Pengre rharentsa lenn le o them Assour dren – ko them o morshestar Nimrod – oun venn i raya pral lende. Te phagenn i lourde dran o them Assour an maro them dren, oun kamenn les dren te lell, palle lell men maro nevo ray dran lengre vasta vin.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”