Jesaja 8:22 - O Debleskro Lab 2024 (Sinte-Manouche)

²² oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

O Debleskro Drom 2021 (Sinte)

²² un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Jesaja 8:22 ပူးပေါင်းရင်းမြစ်များ

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

2. Mose 10:21

Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

2. Mose 10:22

Oun o Mose hadas peskro vast pash o bolepen pre. Kote vas i kali rat pral o tselo them Egiptia. Triin divessa ačas li.

Gosewe laba 14:32

O čilačo vell tele vitsedo dran leskro čilačepen. Kova, kay an o čačepen tardo hi, koleskro patsepen rikrell les ninna gomme an o merepen.

Jesaja 30:6

Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jesaja 50:3

Me rivau o bolepen an kalepen, yaake te hi lo, har hidjrals lo kales yekeske, kay meras.

Jesaja 59:9

Doleske dell men o Devel gar maro čačepen, oun leskro lačepen vell gar ap mende. Hoske bičrell lo menge kek momeli? Lauter, hoy dikah, hi kali rat. Kaana djal menge o kham pre? An o pessester kalepen nashah mer trouyel.

Jesaja 60:2

Dik, kalepen čakrell i phoub oun tamlepen i vavar themma, pral toute stell o baro Devel pre, oun leskro raylepen moukell pes pral toute te dikell.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Jesaja 9:1

Kol menshe, kay djivenn an i kali rat, dikenn i bari momeli. Kolenge, kay djivenn an i tamlo them, djal o kham pre.

Jesaja 9:20

I menshe dran o kheer Manasse perenn ap kolende dran o kheer Efrayim, oun kolla dran Efrayim ap kolende dran Manasse. Oun kol douy khetne djan ap i menshende dran Youda. Oun pral kova lauter moukell o Debleskri rholi lendar gar tele, oun leskro vast ačell pre hadedo, te dell lo len i phagi.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Jeremia 23:12

Doleske vell ko drom, kay le djan har i sapeno drom an o tamlepen, kay venn le tradedo oun perenn. Me moukau bibarht pral lende te vell an ko tsiro, kay dau len i phagi. Kova penell o baro Devel.

Mateo 22:13

Penas o baro ray ap peskre boudepangre: Pandenn les ap i pire oun ap i vasta, oun vitsrenn les vin an i kali rat! Oun kote rovenn le oun dandrenn i danda i doukatar khetne.”

Mateo 24:29

Oun sik pal kol čilače divessa, vell o kham kalo har i rat, oun o moonto dikell kek bouder. Oun i bare momlia ap o bolepen perenn tele. Oun i bolepaskri zoor perell khetne.

Mateo 8:12

Oun i biboldendar venna boud an i kali rat vin vitsedo. Oun yon rovenna, oun dandrenn i danda i doukatar khetne.”

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Debleskro tsiro 16:10

Oun o pančto bolepaskro čoras peskro čaro vin pral o firho oun leskro them, kay yob o ray hi. Oun i rati vas ap lende. Oun leskre menshe dandran ap pengri čip i doukatar.