Jesaja 8:17 - O Debleskro Lab 2024 (Sinte-Manouche)

¹⁷ Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

O Debleskro Drom 2021 (Sinte)

¹⁷ Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Jesaja 8:17 ပူးပေါင်းရင်းမြစ်များ

1. Mose 49:18

Baro Devel, ab ap miri rig!

Hiob 13:24

Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?

Hiob 14:14

Te merell i mensho, vell lo palle pale djido? Palle bistroms, har djoungeles mange kanna djal, oun dikoms ap ko tsiro, kay mange feteder djal.

Hiob 35:14

Tou Hiob peneh, tou nay dikeh les gar! Tiro koova hi glan leste čiddo. Mouk gar tele, te dikess ap leste!

Debleskri gili 130:5

Ap toute, baro Devel, rikrau me, miro tselo djiyestar dikau ap toute, te rakress mantsa.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 33:20

Mer rikrah men ap o baro Debleste maro tselo djiyeha. Yob vell ap mari rig, oun rikrell peskro vast pral mende.

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Debleskri gili 39:7

O mensho vell oun djal pale har i souni. O mensho boudrella boud čičeske oun krell boud gole troul či. Yob anell peske boud bravlepen khetne, oun djinell gar, koon kova lella.

Debleskri gili 40:1

I gili o rayeske pral i gipangre. O David kras kay gili.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 26:8

Baro Devel, mer dikah ap toute, te peness tou o čačepen vin. Lauter an mende rodell tout, oun kamell, te vell tiro lab sharedo.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 33:2

Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

Jesaja 45:15

Čačepah, tou hal i Devel, kay rikrell pes khatedo, tou o Devel pral o Israel, tou leh dran o čilačepen vin!

Jesaja 50:10

Kova t'mendar, kay krell, hoy o baro Devel kamell, oun shounell ap leskro boudepaskro, kova nay djinell: Ninna te djivell lo an i kali rat oun dikell kek momeli glan peste, hi lo an o baro Debleskro vast. Oun kova krell leske halauter mishto.

Jesaja 54:8

Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 57:17

Lengri doosh his, te lan le gar doha. Pral kova vom rhoyedo, oun koleske dom me len, khatrom man glan lende oun rhoyrom man. Oun yon djan doureder ap pengro drom oun van gar pale pash mande.

Jesaja 59:2

Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

Jesaja 64:4

Tou val pash kolende, kay kran o čačepen i barhtelo djiyeha, oun djan ap tire dromma oun kran, hoy lendar kamal. Tou rhoyral tout, har shounam bouder gar ap toute. Te djah ap tire dromma, leh tou men vin dran o čilačepen.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

Jesaja 64:7

Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jeremia 33:5

T'maro kourepen lentsa hi čičeske. Yaake venn i khera an o foro pherdo i moule menshendar, kay moukom me an miri rholi moulo te dell. I menshe an kava foro his yaake čilačo, te kamom bouder gar ap lengri rig te vell.

Hosea 12:6

yob, o ray pral o bolepen oun i phoub, leskro lab hi baro Devel.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Louka 2:38

Ap ko tsiro har i Maria oun o Yosef pengro čaveha an o Debleskro baro kheer his, vas li ninna kote pash lende. Oun yoy sharas o Debles o tselo djiyeha pral ko čaveste, oun rakras kolestar ap lauterende, kay dikan ap ko tsiro, kay lell o Devel i menshen an o foro Yerusalem dran o čilačepen vin.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

5. Mose 32:20

Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

1. Tessalonikarja 1:10

T'mer dikenn ap ko dives, kay vell o Debleskro čavo dran o bolepen pale. Kova hi o Yezous, koles kras o Devel i moulendar djido. Yob lell men dran o Debleskri rholi vin, hoy pral i menshende vella.

2. Tessalonikarja 3:5

Maro rayestar, o Yezousestar, mangah, te krell lo t'mare djia pre, te dikenn t'mer, har baro o Debleskro kamlepen t'menge hi. Oun lestar mangah ninna, te denn t'maro patsepen gar pre, ninna te vell t'maro djipen pharo, yaake har o Yezous Kristo gar pre das.

Hebrearja 2:13

Oun pale penell lo: Me čivau man an o Debleskre vasta. Oun pale penell lo: Dik, kate hom me kal čaventsa, kay o Devel das man.

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.