Jesaja 7:4 - O Debleskro Lab 2024 (Sinte-Manouche)

⁴ Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

O Debleskro Drom 2021 (Sinte)

⁴ Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jesaja 7:4 ပူးပေါင်းရင်းမြစ်များ

2. Rajengro liil 15:27

Har o Asarya an o 52. (panč-deesh-te-douyto) bersh o baro ray pral o them Youda his, vas o Peka, koleskro dad o Remalya his, baro ray pral o them Israel. Biish bersha his lo baro ray oun djivas an ko tsiro an o foro Samaria.

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

Jesaja 10:24

Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.

Jesaja 30:15

Doleske penell o baro Devel, maro ray – yob, kay kokres o Israeleskro Devel hi: Te moukenn t'maro drom, venn pash mande, oun dikenn ap kova, hoy me t'menge krau, palle venn vin lino dran o kourepen. Te rikrenn t'men pale, oun rikrenn t'men ap mande, palle venn zorelo. Kova kamenn t'mer gar te krell.

Jesaja 30:7

Kova lauter hi čičeske. Hoy i Egiptarya nay krenn, hi či moldo. Doleske penau ap o them Egiptia: Tou hal i Rahab, kay ačell beshdo oun krell či.

Jesaja 35:4

Penenn ap kolende, kolen i dareno dji hi: Avenn zorelo! Oun ma darenn! Dikenn, kote hi t'maro Devel! Yob vell, te dell lo t'men t'maro čačepen oun i phagi kolende, kay kran t'menge čilačepen. Yob vell oun lell t'men dran lengre vasta vin.

Jesaja 37:6

moukas lo lenge te penell: “Penenn t'maro rayeske: Yaake rakras o baro Devel: Tou shounal kol laba, kolentsa man i bičepangre o baro rayestar dran o them Assour praasan. Ma traash glan kova, hoy yon penan!

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Jesaja 7:1

Oun i kourepen vas an ko tsiro, har o baro ray pral o them Youda o Ahas his, koleskro dad o Yotam his, oun koleskro dad o Usiya his. O baro ray pral Syria, o Rezin, oun o baro ray pral Israel, o Peka, koleskro dad o Remalya his, van pash o foro Yerusalem, te kourenn le pen o foreha. Yon nay lan les gar dren.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jesaja 8:4

Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

Jesaja 8:6

An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

Ropaskre gilja 3:26

O feteder koova hi, te dikas mer pokones ap o baro Debleste, te vell yob menge ap i rig.

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Zakarie 3:2

Oun o bolepaskro o baro Deblestar penas ap o bengeste: “O baro Devel te čingrell ap toute, tou beng! O baro Devel, kay rodas o Yerusalem vin, mou čingrell ap toute! Kava morsh hi har i kasht, vin tserdedo dran i yag.”

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Mateo 24:6

Baro kourepen vella an kol themma, kay hi dour t'mendar oun ninna an kolla themma, kay hi gar dour t'mendar. Te shounenn t'mer kova, ma trashenn! Ko hounte vell yaake. Ko tsiro, kay o Devel o ray hi pral halauterende, vell gar yaake sik.

5. Mose 20:3

“Morshale dran Israel, shounenn! T'mer djan kava dives an o kourepen, te kourenn t'men kolentsa, kay kamenn t'men gar an o them. Avenn zorelo! Ma darenn lendar! Oun ma moukenn t'men traash te krell!

1. Samuel 17:32

Oun o David penas ap o Saul: “Miro ray, kek tire morshendar hounte darell ko Filistarestar! Me kamau koy te djal oun man leha te marell.”