Jesaja 66:5 - O Debleskro Lab 2024 (Sinte-Manouche)

⁵ Shounenn, hoy o baro Devel penell, t'mer, kay glan leskro lab darenna. T'mer rikrenn pash mande, doleske rhoyrenn pen t'mare phrala pral t'mende, oun čivenn t'men pale, oun praasenn t'men oun penenn: Mou sikrell o baro Devel peskro barepen oun peskri zoor, te dikas mer, har yob t'men barhteles krell! Kolla hounte ladjenn pen palle.

O Debleskro Drom 2021 (Sinte)

⁵ Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Jesaja 66:5 ပူးပေါင်းရင်းမြစ်များ

1. Rajengro liil 21:29

“Dikal tou kova, har kras pes o Ahab tiknes glan mande? Doleske moukau koy bibarht gar te vell, yaake rah har yob djivell. An ko tsiro, kay leskro čavo o baro ray hi, anau me koy bibarht pral leskro kheer.”

2. Rajengro liil 22:10

O Shafan penas o baro rayeske ninna: “O rashay Hilkiya das man i liil.” Oun o Shafan draveras ko liil glan o baro rayeste.

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

Esra 9:4

Oun pash mande van halauter kolla khetne, kay an i traash his, hoy o Devel pral o them Israel penella, kay leskre laba van i pirentsa stakedo kolendar, kay van dran o them Babilonia pale pale. Oun me homs koy beshdo har moulo, bis te vas rati - ko tsiro, kay o Debleske i firho anlo oun maredo vell.

Debleskri gili 119:120

Toutar darau yaake, te trissau. Tou deh i phagi kolen, kay shounan gar ap toute.

Debleskri gili 38:20

Kolla, kay mange čilačepen kamenna, hi zoreles oun hi boud. Boud rhoyrenn pen ap mande, ninna te krom len či.

Gosewe laba 13:13

Koleske, kay i lačo lab i heryentsa stakrell, djal djoungeles. Koleske, kay rikrell pes ap ko lab, djal mishto.

Kamlepaskri gili 1:6

Ma dikenn tele ap mande, har kalo hom! O kham rhačas man kales. Mire phrala his rhoyedo ap mande, oun kaman te dap garda ap i drakengre rouka. Ap miro shoukapen nay dom kek garda.

Jesaja 26:11

Baro Devel, tiro vast hadal dour pre, te dess len trad. Oun yon kamenn gar te dikell. Mouk len dren te dikell, havo kamlepen tout tire menshenge hi, te ladjenn le pen. Rhače len pre an tiri yagakri rholi, kolen kay kamenn tout gar.

Jesaja 5:19

oun penenn: Mou vell kova sik, hoy o baro Devel kamell te krell, te dikas kova! Mou vell čačo, hoy o Israeleskro lačo Devel peske glan las, te prindjras kova!

Jesaja 60:15

His i tsiro, kay hals mouklo, oun kek kamas tout oun djas pash toute. Kanna krau toutar, te vess hako tsiro sharedo oun shoukar, i foro, kay hi hakeno barhtelo yaake rah har menshe ap kay phoub hi.

Jesaja 65:13

Doleske penell o baro Devel, maro ray: An ko tsiro, kay t'mer bokenn, hi mire boudepangren rhapaske. An ko tsiro, kay t'mer troushenn, hi mire boudepangren doha te piyell. An ko tsiro, kay han an i ladj, hi mire boudepangre an i barht.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jeremia 36:16

Har shounan le kol tsele laba, lan le traash oun penan leske: Ko hounte penas mer o baro rayeske!

Hosea 11:10

Palle djan le o baro Debleske palla, oun yob dell gole har i levo, ava, yob dell gole har i levo, oun leskre čave venn trisslepah pash leste foun kotar, kay o kham tele djal.

Mateo 10:22

T'mer patsenn ap mande. Doleske venn i menshe rhoyedo ap t'mende. Kova, kay ačell zoreles tardo an o patsepen, yaake rah, har yob djivella, kova lell o Debleskro djipen.

Louka 13:17

Har yob kova penas, ladjan lauter, kay rhoyedo ap leste his. Oun kol boud vavar, kay kote tardo hi, his barhtelo pral ko tselo raylo koova, hoy o Yezous kras.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 9:34

Koy penan yon ap leste: “Tou, kay boldo hal an o čilačepen, kameh kanna maro sikepaskro te vell?” Oun yon vitsran les vin.

2. Tessalonikarja 1:12

Palle vell maro ray Yezous sharedo dran t'mende. Oun leha khetne venn t'mer ninna sharedo. Yaake lačo hi maro Devel oun maro ray, o Yezous Kristo, t'menge.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.

1. Johanni 3:13

Mire phrala, krenn kek bare yaka, te hi i menshe ap kay phoub rhoyedo ap t'mende!