Jesaja 66:18 - O Debleskro Lab 2024 (Sinte-Manouche)

¹⁸ Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

O Debleskro Drom 2021 (Sinte)

¹⁸ Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

Jesaja 66:18 ပူးပေါင်းရင်းမြစ်များ

Hiob 42:2

Me hayvom kanna, te nay kreh tou halauter. Oun halauter, hoy kameh te krell, kova kreh tou ninna.

Debleskri gili 139:2

Tou prindjreh miro beshepen oun miro tardepen. Tou hayveh foun doural, hoy an miro shero trouyel djal.

Debleskri gili 67:2

Devel, kre tiro dji menge pre, oun čip tiri barht ap mende! Dik tou lačes ap mende!

Debleskri gili 72:11

I tsele bare raya perenn tele ap i phoub glan leste. Oun i tsele natsyone boudrenn leske.

Debleskri gili 72:17

Leskro lab mou ačell hako tsireske. Yaake rah har o kham ap o bolepen hi, mou vell leskro lab sharedo! Lestar mou vell lačepen ap i menshende an i tsele themma. Oun yon te rakrenn i barht pral leste vin.

Debleskri gili 82:8

Ste pre, maro Devel oun rake o čačepen vin pral i tseli phoub! Tire hi i menshe an i tsele themma.

Debleskri gili 86:9

I tsele natsyone, kolen tou kral, kolla venna oun mangenn tout an, maro rayes, oun sharenn tiro raylepen.

Debleskri gili 94:11

O baro Devel djinell, hoy an i menshengre sherya hi: lauter či-moldo koova.

Debleskri gili 97:6

O bolepen sikrell leskro čačepen, oun leskro raylepen dikenn i tsele menshe.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 37:28

Tiro tardepen prindjrau oun tiro beshepen dikau, oun ko tsiro djinau, kay djah tou vin, oun kay veh pale dren. Oun ninna djinau, havi bari rholyah tou divyes ap mande djah.

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 55:8

O baro Devel penell: Kova, hoy mange an o shero djal, hi gar kova, hoy t'menge an t'mare sherya djal. Oun t'mare dromma hi gar mire dromma.

Jesaja 56:8

O baro Devel, maro ray, kova kay anas i krik-tradede Israelitaryen pale an lengro them, penell: Me anau gomme boudeder khetne pash kolende, kay khetne anlo van.

Jesaja 57:12

Kanna sikrau me, hoy kova moldo hi, hoy tou čačo koova khareh. Ko tselo koova, hoy tou kral, hi touke gar mishto.

Jesaja 59:7

T'mare herya nashenna pal o čilačepen, oun hi sik, te moukenn le kolen te ratell, kay kek čilačepen kran. Kova, hoy moukenn t'menge an o shero te djal, hi har nay rhorhenn oun doukrenn i vavaren. Ap t'mare dromma ačell phagedo djipen pale.

Jesaja 65:2

Me rikrom o tselo dives mire vasta vin kol menshenge, kay kaman gar ap mande te shounell, oun djan i drom, hoy gar mishto hi, oun djivenn pal pengro shero.

Jesaja 66:10

Avenn barhteles o foreha Yerusalem, oun givenn oun khelenn leske, t'mer lauter, kay les o djiyestar kamenn. Avenn barhteles leha, t'mer lauter, kay pral leste rovan.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 3:17

An ko tsiro vell o foro Yerusalem kharedo: O baro Debleskri beshepaskri. Oun i tsele menshe venn koy khetne. Oun yon djan bouder gar pal pengro shero oun pengro čilačo dji.

Ezekiel 38:10

Kava penell o baro Devel, maro ray: An ko tsiro vell čomone pre an tiro dji, oun tou leh touke čilačo koova glan.

Ezekiel 39:21

Oun me sikrau i menshenge an vavar themma, har baro oun raylo me hom. Halauter dikenn, har me o čačepen vin krau pral o Gog, oun havi zoryah dau les oun leskre lourden pengri phagi.

Joel 3:2

An ko tsiro čorau miro dourho ninna vin pral i boudepangre, morsha har djouvya.

Amos 5:12

Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

Zakarie 14:16

Oun kolla, kay djides ačan kol menshendar dran i themma, kay his an o kourepen o foreha Yerusalem, kolla venna hako bersh an Yerusalem, te sharenn le o baro rayes an Yerusalem. Yob hi o baro Devel, ko ray pral o bolepen oun i phoub. Kote an Yerusalem kamenn le ninna kol bare divessa te rikrell, kay i menshe an patyengre khera djivenn.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 12:25

O Yezous hayvas, hoy an lengro shero trouyel djas. Oun yob penas ap lende: Hako them oun hako foro djal paash, kay douy bare raya kourenn pen. Oun an yek kheer nashte venn gar douyen penepaske. Kova djal gar.

Mateo 9:4

Oun o Yezous hayvas, hoy an lengro shero trouyel djas. Oun yob penas ap lende: “Hoske djal savo čilačepen an t'maro shero trouyel?

Louka 5:22

Oun o Yezous hayvas, hoy yon mashkral pende yaake penan. Oun yob penas ap lende: “Hoske djal kova an t'maro shero trouyel?

Johanni 17:24

Tata, me kamau, te venn kolla, kay tou man dal, pash mande, kote, kay me hom, te dikenn le miro raylepen oun miri zoor, hoy tou man dal. Tou kamal man o djiyestar, har o bolepen oun i phoub gar koy his.

Johanni 5:42

Me prindjrau t'men oun djinau, kay hi gar o Debleskro kamlepen an t'mende.

Remarja 16:26

Kanna vell ko drom diklo. Ko dromestar činan i Debleskre rakepangre an pengre lila, yaake har o baro Devel kamas. Kova djivella hako tsiro, oun kamas i tsele menshendar ap i phoub, te patsenn le oun shounenn le ap leste.

1. Korintarja 3:20

Hi ninna činlo: O Devel djinella, hoy an i menshengro dji glan djala, kay lengro gosvepen či molella.

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

Debleskro tsiro 2:13

Me djinau, t'mer djivenn kote, kay o beng o ray pral i menshende hi. T'mer rikrenn zoreles ap mande, oun moukan o patsepen gar, ninna an kol divessa, har vas o Antipas maredo, har yob i menshenge mandar penas an t'maro foro, kay o beng djivella.

Debleskro tsiro 2:2

Me prindjrau lauter, hoy t'mer mange kran, t'mari tseli phari boudi. T'mer dan t'maro patsepen gar pre. Oun t'mer moukenn gar čilače menshe mashkral t'mende te vell. Oun t'mer lan kolen an o yak, kay penan, te hi le o Yezouseskre bičepangre, oun yon hi kova gar. Oun t'mer hayvan, te rhorhran le.

Debleskro tsiro 2:9

Me djinau, te lenn le t'men palla. Ninna djinau, har čorvelo han. Čačepah han t'mer bravelo! Me djinau ninna, te rakrenn kolla djoungeles pral t'mende, kay penenn pendar, te hi le Debleskre menshe. Yon hi kek Debleskre menshe. Na-a, yon hi bengeskre menshe.