Jesaja 66:1 - O Debleskro Lab 2024 (Sinte-Manouche)

¹ O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

O Debleskro Drom 2021 (Sinte)

¹ O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Jesaja 66:1 ပူးပေါင်းရင်းမြစ်များ

1. Rajengro liil 8:27

Nay vell čačo, kay o Devel kamell te djivell ap i phoub? O tselo bolepen hi gar bares doha leske. Har nay krals kova kava kheer, hoy me moukom te krell?

1. Familjakro liil 28:2

Oun o baro ray David stas pre oun penas: “Mire phrala, morshale mire menshendar, shounenn, hoy penau t'menge! An miro dji his, te krap i kheer, kay vell o morhton o deesh labentsa o baro Deblestar dren čiddo, oun kay nay ačell o morhton. Kova hi har i tikno banko tel i pire maro Deblestar. Oun me lom boud koova khetne kava khereske, hoy kamom pre te čivell.

2. Familjakro liil 2:5

Koon nay krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoy nay krau, hi, te krap i platsa, kay nay rhačrah soungepaskro koova glan leste.

2. Familjakro liil 6:18

Nay vell čačo, kay o Devel kamell te djivell pash i menshende ap i phoub? O tselo bolepen hi gar bares doha, te rikrell lo tout. Har nay krals kova kava kheer, hoy me moukom te krell?

Debleskri gili 11:4

O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Debleskri gili 132:7

Avenn, mer djah an leskro kheer, oun perah tele glan o stamin, kay čivell lo peskre herya pre.

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 60:13

Kouč kasht dran o shoukar veesh ap i berge Libanon vell pash toute anlo, te vell miro kheer shoukar kerdo. Oun yaake sikrau, har raylo kay platsa hi, kay tardo hom.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 12:6

Kanna penau me t'menge: Kova, kay glan t'mende tardo hi, kova hi bareder har o Debleskro baro kheer.

Mateo 24:2

Koy penas lo ap lende: “Kova, hoy t'mer kote lauter dikenna, kova lauter djal paash. Kate ačell kek bar ap i vavareste.”

Bičepangre 17:24

Ko Devel kras o bolepen oun i phoub, oun lauter, hoy koy pre hi. Yob hi o ray pral o bolepen oun i phoub. Yob djivell gar an i Debleskre khera, kay i menshe pengre vastentsa kran.